കോന്നി : കോന്നി ഫെസ്റ്റിൽ ശ്രദ്ധേയമായി കുതിര സവാരി. കോന്നി ഫെസ്റ്റിൽ എത്തുന്ന ആളുകൾ കുതിരസവാരി കഴിഞ്ഞാണ് ഇപ്പോൾ മടങ്ങുന്നത്. വകയാർ മ്ലാന്തടം കേന്ദ്രീകരിച്ചു പ്രവർത്തിക്കുന്ന മണ്ണുശേരിൽ ജാക്പോട്ട് എന്ന കുതിര സവാരി കേന്ദ്രത്തിലെ കുതിരകൾ ആണ് സവാരിക്കായി ഉള്ളത്.കുതിര വണ്ടികളും സവാരി നടത്തുന്നുണ്ട്. ജില്ലയിലെ ആദ്യത്തെ കുതിര സവാരി കേന്ദ്രമാണ് വകയാറിലേത്.കോന്നി ഫെസ്റ്റിൽ കുതിര സവാരി നടത്തുന്നതിനായി സ്ത്രീകൾക്ക് സ്ത്രീകൾ തന്നെ സഹായികളായുണ്ട്. കൊച്ചു കുട്ടികൾ മുതൽ പ്രായമായവർ വരെ കുതിര സവാരിയിൽ പങ്കെടുക്കുന്നുണ്ടെന്ന് സംഘാടകർ പറയുന്നു.
