കണ്ണൂർ : കണ്ണൂർ ആലക്കോട് നെല്ലിക്കുന്നിൽ കാർ വീട്ട് മുറ്റത്തെ കിണറ്റിൽ വീണ് ഗൃഹനാഥൻ മരിച്ചു. അറുപത് കാരനായ താരാ മംഗലത്ത് മാത്തുക്കുട്ടിയാണ് മരിച്ചത്. 18 കാരനായ മകൻ ബിൻസ് ഗുരുതര പരിക്കുകളോടെ പരിയാരം മെഡിക്കൽ കോളേജ് ആശുപത്രിയിൽ ചികിത്സയിലാണ്. ഇന്ന് രാവിലെയാണ് അപകടം ഉണ്ടായത്. മകൻ ബിൻസിന് ഡ്രൈവിംഗ് പഠിക്കാനായി വീട്ടിൽ നിന്നും കാർ പുറത്തിറക്കുന്നതിനിടെയാണ് അപകടമുണ്ടായത്.
മാത്തുക്കുട്ടിയുടെ സഹോദരന് അലകസ് താരാമംഗലം കഴിഞ്ഞ ശനിയാഴ്ച്ച മാനന്തവാടി രൂപതാ സഹായമെത്രാനായി ചുമതലയേറ്റിരുന്നു.അദ്ദേഹം സഹോദരന് നല്കിയ കാറില് ഡ്രൈവിംഗ് പരിശീലനം നടത്തവെയാണ് നിയന്ത്രണം വിട്ട് കാര് വീട്ടുമുറ്റത്തെ കിണറിന്റെ ആള്മറ തകര്ത്ത് കിണറിലേക്ക് വീണത്. തളിപ്പറമ്പില് നിന്ന് അഗ്നിശമനസേന അസി.സ്റ്റേഷന് ഓഫീസര് ടി.അജയന്റെ നേതൃത്വത്തില് എത്തുമ്പോഴേക്കും നാട്ടുകാര് മൃതദേഹം പുറത്തെടുത്തിരുന്നു. അടുത്ത ദിവസം ബിഷപ്പിന് ജന്മനാട്ടില് സ്വീകരണമൊരുക്കാന് തീരുമാനിച്ചിരിക്കെയാണ് ദുരന്തം.
