ചേനക്കറി കൂട്ടാത്തവർ നമ്മിളലിൽ ചുരുക്കം ചിലരേ ഉണ്ടാകുകയുള്ളു. അടുക്കള ത്തോട്ടത്തിൽ സുലഭമായി ഉണ്ടാക്കാൻ സാധിക്കുന്ന ഒന്നാണ് ചേന എന്നത് കൊണ്ട് തന്നെ പല വീടുകളിലും ചേനക്കറി ചോറിനൊപ്പം ഉണ്ടാകാറുണ്ട്. എന്നാൽ പ്രധാന പ്രശ്നം അതൊന്നുമല്ല. ചേന മുറിക്കുമ്പോള് നന്നായി ചൊറിച്ചിൽ അനുഭവപ്പെടും എന്നുള്ളതാണ്. ഇതെങ്ങനെ ഇല്ലാതാക്കുന്നത്?
ചേന പുളിവെള്ളത്തിൽ കഴുകുന്നത് കൊണ്ട് ചൊറിച്ചിൽ മാറും. കറിവെക്കുന്നതിന് മുമ്പ് ചേന പുളിവെള്ളത്തിൽ കഴുകിയാൽ മതിയാകും. ഇത്തരത്തിൽ പുളിവെള്ളത്തിൽ ചേന കഴുകുമ്പോൾ ചൊറിച്ചിൽ മാറും എന്ന് മാത്രമല്ല ചേനക്കറിയുടെ സ്വാദ് വർധിപ്പിക്കുകയും ചെയ്യും. കാരണം ചേന കറിവെക്കുന്നതിന് മുമ്പ് തന്നെ അതിലൊരു ചേരുവയായ പുളി പിടിച്ചിരിക്കാൻ ഇങ്ങനെ ചെയ്യുന്നത് വളരെ ഏറെ നല്ലതാണ്. അത് കൊണ്ട് തന്നെ ചേന മുറിച്ച് കഴിഞ്ഞ് പുളിവെള്ളത്തിൽ കഴുകാൻ ശ്രദ്ധിക്കുക. ചേന അരിയുമ്പോൾ ഒരിക്കലും കഴുകരുത്.
അരിഞ്ഞ് കഴിഞ്ഞതിന് ശേഷം മാത്രം കഴുകാൻ ശ്രദ്ധിക്കുക. ചേനയിൽ വെള്ളം തട്ടിയാൽ അത് ചൊറിച്ചിലിന് കാരണമാകും. അത് കൊണ്ട് ചേന അരിഞ്ഞതിന് ശേഷം മാത്രം കഴുകാൻ ശ്രദ്ധിക്കുക. വെളിച്ചെണ്ണ ഉപയോഗിച്ച് ചേനയുടെ ചൊറിച്ചിൽ മാറ്റാൻ സാധിക്കും. ഇത് എങ്ങനെയാണെന്നല്ലേ. ചേന അരിഞ്ഞതിന് ശേഷം അൽപം വെളിച്ചെണ്ണ കൈയിൽ തേച്ച് പിടിപ്പിച്ചാൽ മതി. ഇത് കൈയിലെ ചൊറിച്ചിൽ ഇല്ലാതാക്കാൻ സഹായിക്കും. ചേന അരിഞ്ഞതിന് ശേഷം കൈ ചൊറിയാതിരിക്കാൻ ഉപ്പ് വെള്ളം ഉപയോഗിക്കാവുന്നതാണ്. ചേന അരിഞ്ഞതിന് ശേഷം ഉപ്പ് വെള്ളം കൊണ്ട് കൈ നന്നായി കഴുകുക. ചൊറിച്ചിൽ വളരെ പെട്ടെന്ന് തന്നെ ഇല്ലാതായിക്കൊള്ളും. കൂടാതെ കുറച്ച് പൊടി ഉപ്പ് എടുത്ത് കൈകളിൽ മസ്സാജ് ചെയ്യുന്നതും വളരെ നല്ലതാണ്.