ദിനംപ്രതിയെന്നോണമാണ് ഇൻസ്റ്റാഗ്രാം യൂസേഴ്സിന്റെ എണ്ണം കൂടുന്നത് തന്നെ. കൌമാരക്കാരെയും യുവതി യുവാക്കളെയും ആകർഷിക്കുന്നതിലും ഇൻസ്റ്റാഗ്രാം തന്നെയാണ് മുമ്പിൽ. ഉപയോക്താക്കളുടെ എണ്ണം കൂടുന്നതിനനുസരിച്ച് കൂടുതൽ യൂസർ ഫ്രണ്ട്ലിയായ ഫീച്ചേഴ്സുകളും ഇൻസ്റ്റാഗ്രാം അവതരിപ്പിക്കാറുണ്ട്. അതൊക്കെതന്നെ യൂസേഴ്സിന്റെ എണ്ണം കൂടാൻ കാരണവും ആകുന്നുണ്ട്.
അത്തരത്തിലൊരു ഫീച്ചറാണ് അയച്ച മെസേജുകൾ ഡിലീറ്റ് ചെയ്യാനുള്ള ഓപ്ഷൻ. അയച്ച മെസേജുകൾ ഡിലീറ്റ് ചെയ്യാൻ കഴിയുമെന്ന് പറയുമ്പോ നമ്മുക്ക് തോന്നാം ഡിലീറ്റ് ചെയ്ത മെസേജുകൾ തിരിച്ചെടുക്കാൻ കഴിഞ്ഞിരുന്നെങ്കിലെന്ന്. അതിനുള്ള ഓപ്ഷനും ഇൻസ്റ്റാഗ്രാമിൽ തന്നെയുണ്ടെങ്കിലും അധികം ആളുകൾക്കും ഇതിനേക്കുറിച്ച് വലിയ ധാരണയില്ല. ഒരിക്കൽ ഡിലീറ്റ് ചെയ്തവ പിന്നീടൊരിക്കലും തിരികെ ലഭിക്കില്ലെന്ന തെറ്റായ പൊതുധാരണയും സാധാരണയാണ്. സന്ദേശങ്ങൾ മാത്രമല്ല ഡിലീറ്റ് ചെയ്ത പോസ്റ്റുകളും സ്റ്റോറീസുമൊക്കെ നമ്മുക്ക് റിക്കവർ ചെയ്യാനാകും.
ഒരിക്കൽ ഡിലീറ്റ് ചെയ്ത സന്ദേശങ്ങൾ നമ്മുക്ക് ഇൻസ്റ്റാഗ്രാമിന്റെ ആപ്പിലൂടെ തിരികെ ലഭിക്കില്ല. പക്ഷെ നമ്മുടെ ഇമെയിലിൽ ഈ സന്ദേശങ്ങൾ ലഭ്യമാക്കാനാകും. ഡിലീറ്റ് ചെയ്ത ഇൻസ്റ്റാഗ്രാം മെസേജുകൾ മെയിലിലൂടെ തിരിച്ചെടുക്കുന്നതെങ്ങനെയെന്ന് നോക്കാം. നിങ്ങളുടെ ഇൻസ്റ്റാഗ്രാം അക്കൗണ്ടിൽ പോയി മുകളിൽ വലത് കോണിലുള്ള മൂന്ന് ബാറുകളിൽ ടാപ്പ് ചെയ്യുക. തുറന്ന് വരുന്ന മെനുവിൽ ഏറ്റവും മുകളിലായി കാണുന്ന സെറ്റിങ്സ് ഓപ്ഷനിൽ ടാപ്പ് ചെയ്യുക. സ്ക്രീനിൽ കാണുന്ന സെർച്ച് ടാബിൽ ഡൗൺലോഡ് ഡാറ്റ എന്ന് ടൈപ്പ് ചെയ്യുക. ഡൌൺലോഡ് ഡാറ്റ ഓപ്ഷനിൽ ടാപ്പ് ചെയ്താൽ നിങ്ങളുടെ ഇമെയിൽ ഐഡിയും തുടർന്ന് നിങ്ങളുടെ ഇൻസ്റ്റാഗ്രാം പാസ്‌വേഡും ആവശ്യപ്പെടും. ഈ വിവരങ്ങൾ എന്റർ ചെയ്ത ശേഷം റിക്വസ്റ്റ് ഡൌൺലോഡിൽ ടാപ്പ് ചെയ്യുക. ഇനി നിങ്ങളുടെ മെയിൽ പരിശോധിച്ചാൽ ഡിലീറ്റ് ചെയ്ത സന്ദേശങ്ങളും വിശദാംശങ്ങളും ലഭ്യമാകും.
