തിരുവനന്തപുരം : ഒന്നാം വര്‍ഷ ഹയര്‍സെക്കണ്ടറി പ്രവേശനത്തിന് അപേക്ഷിക്കേണ്ട അവസാന തീയതി നീട്ടി. സെപ്റ്റംബര്‍ എട്ട് വരെ പ്രവേശനത്തിനായി അപേക്ഷിക്കാം. നേരത്തെ സെപ്റ്റംബര്‍ മൂന്നായിരുന്നു പ്രവേശനത്തിനായി അപേക്ഷിക്കാനുള്ള അവസാന തീയതി.
നേരത്തെ ഏഴ് ജില്ലകളിലെ സര്‍ക്കാര്‍, എയ്ഡഡ് ഹയര്‍ സെക്കന്‍ഡറികളില്‍ പ്ലസ് വണ്‍ കോഴ്സിന് 20 ശതമാനം ആനുപാതിക സീറ്റ് വര്‍ധനക്ക് മന്ത്രിസഭ തീരുമാനം. തിരുവനന്തപുരം, പാലക്കാട്, കോഴിക്കോട്, മലപ്പുറം, വയനാട്, കണ്ണൂര്‍, കാസര്‍കോട് ജില്ലകളിലാണ് സീറ്റ് വര്‍ധിക്കുക. എല്ലാ ബാച്ചുകളിലും സീറ്റ് വര്‍ധന ബാധകമായിരിക്കും. മറ്റ് ഏഴ് ജില്ലകളില്‍ പത്ത് ശതമാനം സീറ്റ് വര്‍ധനക്ക് ശിപാര്‍ശയുണ്ടായിരുന്നെങ്കിലും ആവശ്യകത നോക്കിയാവും തീരുമാനം.
പ്ലസ് വണ്‍ പ്രവേശനം പുതുക്കിയ ഷെഡ്യൂള്‍
ഓണ്‍ലൈന്‍ അപേക്ഷാസമര്‍പ്പണം ആരംഭിക്കുന്ന തീയതി : 24/08/2021
ഓണ്‍ലൈന്‍ അപേക്ഷ സമര്‍പ്പണം അവസാന തീയതി : 08/09/2021
ട്രയല്‍ അലോട്ട്മെന്‍റ് തീയതി : 13/09/2021
ആദ്യ അലോട്ട്മെന്‍റ് തീയതി : 22/09/2021
മുഖ്യ അലോട്ട്മെന്‍റ് അവസാനിക്കുന്ന തീയതി : 18/10/2021
