ബംഗളൂരു : നഗരത്തിലെ നാഗദേവനഹള്ളിയിലുള്ള കൗസല്യ സ്കൂളിൽ ഇന്ന് രാവിലെ വൻ തീപിടിത്തം ഉണ്ടായി. സ്കൂളിൽ പിടിഎ മീറ്റിംഗ് നടന്നുകൊണ്ടിരിക്കെയാണ് അപകടം സംഭവിച്ചത്. അപകടത്തിൽ ആർക്കും പരിക്കുകളില്ല. രാവിലെ 10 മണിയോടു കൂടിയാണ് സ്കൂൾ കെട്ടിടത്തിൽ തീപിടുത്തം ഉണ്ടായത്. വിവരമറിഞ്ഞ് സ്ഥലത്തെത്തിയ മൂന്ന് യൂണിറ്റ് അഗ്നിശമന സേന വിഭാഗം ഏറെ പരിശ്രമിച്ചതിനൊടുവിൽ 11:30 ഓടെ തീ പൂർണ്ണമായും അണച്ചു. പ്രാഥമിക നിഗമനമനുസരിച്ച് ഷോർട്ട് സർക്യൂട്ടാണ് തീപിടുത്തത്തിന് കാരണമായതെന്ന് പോലീസ് വ്യക്തമാക്കിയിട്ടുണ്ട്.
സംഭവത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്. തീപിടുത്തം ഉണ്ടാകുമ്പോൾ സ്കൂളിൽ രക്ഷിതാക്കളും അധ്യാപകരും ഉണ്ടായിരുന്നെങ്കിലും എല്ലാവരെയും സുരക്ഷിതമായി മാറ്റാൻ സാധിച്ചതായാണ് റിപ്പോർട്ടുകൾ.
