ഇടുക്കി: കിഴുകാനത്ത് വനം വകുപ്പ് കള്ളക്കേസില് കുടുക്കിയ സരുണ് സജിയുടെ പരാതിയില് നടപടി വൈകിപ്പിച്ചതിന് പോലീസിനെതിരെ രൂക്ഷ വിമര്ശനവുമായി മനുഷ്യാവകാശ കമ്മീഷന്. പോലീസിന്റെ അന്വേഷണ റിപ്പോര്ട്ടില് വ്യക്തതയില്ലെന്നും കമ്മീഷന്. അന്വേഷണ ഉദ്യോഗസ്ഥര് നേരിട്ട് ഹാജരാകണമെന്നും കമ്മീഷന് ഉത്തരവിട്ടു. സരുണ് സജി നല്കിയ പരാതിയിലാണ് കമ്മീഷന്റെ ഇടപെടല്.
ഇടുക്കി കിഴുകാനത്ത് വനം വകുപ്പ് കള്ളക്കേസില് കുടുക്കിയ സരുണ് സജിയുടെ പരാതിയിലാണ് മനുഷ്യാവകാശ കമ്മീഷന്റെ ഇടപെടല്. കേസിന്റെ അന്വേഷണ ചുമതല പീരുമേട് ഡി.വൈ.എസ്.പിക്കാണ്. കേസില് പ്രതികളായ പതിമൂന്ന് പേരില് രണ്ട് പേരൊഴികെ മറ്റെല്ലാവരും റിമാന്റിലായിരുന്നു. ഹൈക്കോടതി ജാമ്യാപേക്ഷ തള്ളിയിട്ടും കേസില് പ്രതികളായ മുന് ഇടുക്കി വൈല്ഡ് ലൈഫ് വാര്ഡന് ബി.രാഹുല്, സീനിയര് ഗ്രേഡ് ഡ്രൈവര് ജിമ്മി ജോസഫ് എന്നിവരെ പോലീസ് അറസ്റ്റ് ചെയ്യുന്നില്ലെന്നാണ് സരുണിന്റെ പരാതി. കുറ്റക്കാരായ ഉദ്യോഗസ്ഥര്ക്കെതിരെ നടപടി സ്വീകരിക്കണമെന്നും നഷ്ടപരിഹാരം ലഭ്യമാക്കണമെന്നുമാവശ്യപ്പെട്ടാണ് സരുണ് മനുഷ്യാവകാശ കമ്മീഷനെ സമീപിച്ചത്.
