ഇടുക്കി: നെടുങ്കണ്ടത്ത് ഭാര്യയെ ശല്യം ചെയ്ത യുവാവിനെ ഭര്ത്താവ് വെട്ടി പരിക്കേല്പ്പിച്ചു. നെടുങ്കണ്ടം ചക്കക്കാനം സ്വദേശി ശരത്തിനാണ് വെട്ടേറ്റത്. ഭാര്യയെ ശല്യം ചെയ്തു എന്ന ആരോപണത്തെ തുടര്ന്ന് ഗുരുമന്ദിരംപടി സ്വദേശി ബിനോയാണ് വാക്കത്തികൊണ്ട് ശരത്തിനെ വെട്ടിപ്പരിക്കേല്പ്പിച്ചത്.
ഗുരുതരമായി പരിക്കേറ്റ ശരത്തിനെ നെടുങ്കണ്ടത്തെ സ്വകാര്യ ആശുപത്രിയില് തീവ്രപരിചരണ വിഭാഗത്തില് പ്രവേശിപ്പിച്ചു. രാവിലെ 10 മണിയോടെയായിരുന്നു സംഭവം ഉണ്ടാകുന്നത്. തടയാന് ശ്രമിച്ച ശരത്തിന്റെ അച്ഛനും സംഭവത്തില് പരിക്കേറ്റിട്ടുണ്ട്. ആക്രമണത്തിന് ശേഷം മുങ്ങിയ പ്രതിക്കായി നെടുങ്കണ്ടം പോലീസ് തെരച്ചില് തുടങ്ങിയിരിക്കുകയാണ്.