ഹ്യൂണ്ടയ് കാറുകള്‍ക്ക് ഒരു ലക്ഷം രൂപവരെ കിഴിവ്

ഇന്ത്യയിൽ ഏറ്റവും കൂടുതൽ കാറുകൾ വിൽപ്പന നടത്തുന്ന രണ്ടാമത്തെ വാഹന നിർമ്മാതാക്കളാണ് ഹ്യുണ്ടായ്. പല സെഗ്മെന്റുകളിലായി നിരവധി വാഹനങ്ങൾ ഹ്യുണ്ടായ് രാജ്യത്ത് വിൽപ്പന നടത്തുന്നുണ്ട്. അടുത്തിടെ എക്സ്റ്റർ എന്ന മോഡലുമായി കുഞ്ഞൻ എസ്യുവികളുടെ വിഭാഗത്തിലും ഹ്യുണ്ടായ് സാന്നിധ്യം ഉറപ്പിച്ചു. ഹ്യുണ്ടായ് കാറുകൾക്ക് ജൂലൈ മാസത്തിൽ ആകർഷകമായ ഓഫറുകളാണ് ലഭിക്കുന്നത്. ഒരു ലക്ഷം രൂപ വരെ കിഴിവിൽ നിങ്ങൾക്ക് തിരഞ്ഞെടുത്ത ഹ്യുണ്ടായ് കാറുകൾ വാങ്ങാം. ഈ വാഹനങ്ങളും ഓഫറുകളും നോക്കാം.

ഹ്യുണ്ടായ് ഇന്ത്യൻ വിപണിയിൽ വിൽപ്പന നടത്തുന്ന വാഹനങ്ങളിൽ ഏറ്റവും വില കുറഞ്ഞ മോഡലാണ് ഹ്യുണ്ടായ് ഗ്രാൻഡ് ഐ10 നിയോസ്. ഈ വാഹനത്തിന് ജൂലായിൽ ആകർഷകമായ ഓഫറുകൾ ലഭിക്കും. പുതിയ ഓഫറുകൾ പ്രകാരം ഹ്യുണ്ടായ് ഗ്രാൻഡ് ഐ10 നിയോസ് ഹാച്ച്ബാക്കിന് 38,000 രൂപ വരെ കിഴിവാണ് ഹ്യുണ്ടായ് നൽകുന്നത്. എഎംടി ഗിയർബോക്സുകളുള്ള മോഡലുകൾക്ക് 13,000 രൂപ വരെയുള്ള ആനുകൂല്യങ്ങൾ മാത്രമേ ഹ്യുണ്ടായ് ജൂലൈ മാസത്തിൽ നൽകുന്നുള്ളു.

ദക്ഷിണ കൊറിയൻ വാഹന നിർമ്മാതാക്കളുടെ ഇന്ത്യയിൽ സ്ഥിരതയുള്ള വിൽപ്പന നിലനിർത്തുന്ന മോഡലാണ് ഹ്യുണ്ടായ് ഐ20 സീരീസ്. ഹ്യുണ്ടായ് ഐ20, ഹ്യുണ്ടായ് ഐ20 എൻലൈൻ എന്നീ വാഹനങ്ങളാണ് ഈ വിഭാഗത്തിലുള്ളത്. ഈ വാഹനങ്ങളുടെ വിൽപ്പന വർധിപ്പിക്കുന്നതിനായി ഹ്യുണ്ടായ് ഐ20 എൻ ലൈൻ മോഡലിന്റെ മാനുവൽ വേരിയന്റുകൾ ഒഴികെയുള്ള ഹാച്ച്ബാക്കിന്റെ എല്ലാ വേരിയന്റുകളിലും 20,000 രൂപ വരെ ആനുകൂല്യങ്ങൾ ഹ്യുണ്ടായ് നൽകുന്നുണ്ട്.

ഹ്യുണ്ടായ് ഇന്ത്യൻ വിപണിയിൽ അവതരിപ്പിച്ചിട്ടുള്ള മികച്ച സെഡാൻ മോഡലാണ് ഹ്യുണ്ടായ് ഓറ. കഴിഞ്ഞ കുറച്ച് കാലങ്ങൾക്കിടെ വിൽപ്പന വർധിപ്പിക്കാൻ ഈ സെഡാന് സാധിച്ചിട്ടുണ്ട്. ഹ്യുണ്ടായ് ഓറ സെഡാൻ വാങ്ങുന്ന ആളുകൾക്ക് ജൂലൈ മാസത്തിൽ ആകർഷകമായ ഓഫറുകളാണ് കമ്പനി പ്രഖ്യാപിച്ചിരിക്കുന്നത്. 33,000 രൂപ വരെയുള്ള ആനുകൂല്യങ്ങളാണ് കമ്പനി നൽകുന്നത്. ഹ്യുണ്ടായ് ഓറയുടെ പെട്രോൾ, സിഎൻജി വേരിയന്റുകൾക്ക് ഈ ഓഫർ ലഭ്യമാണ്. ഇന്ത്യൻ വിപണിയിൽ അവതരിപ്പിച്ചത് മുതൽ ഹ്യുണ്ടായ് അൽകാസർ എന്ന മോഡൽ ദക്ഷിണ കൊറിയൻ വാഹന നിർമ്മാതാക്കളുടെ പോർട്ട്ഫോളിയോയിൽ മികച്ച വിൽപ്പന നേടുന്ന മോഡലാണ്. ജൂലൈ മാസത്തിൽ ഹ്യുണ്ടായ് അൽകാസറിന്റെ വിൽപ്പന വർധിപ്പിക്കാനായി കമ്പനി ആകർഷകമായ ഓഫറുകളാണ് നൽകുന്നത്. അൽകാസർ എസ്‌യുവി ജൂലൈ മാസം വാങ്ങുന്ന ആളുകൾക്ക് 20,000 രൂപ വരെ കിഴിവാണ് കമ്പനി പ്രഖ്യാപിച്ചിട്ടുള്ളത്.

ഹ്യുണ്ടായ് ഇന്ത്യയിൽ അവതരിപ്പിച്ച ആദ്യത്തെ ഇലക്ട്രിക് മോഡലാണ് ഹ്യുണ്ടായ് കോന ഇവി. ഈ ഇലക്ട്രിക് എസ്‌യുവിയുടെ വിൽപ്പന വർധിപ്പിക്കുന്നതിനായി ജൂലൈ മാസത്തിൽ ആകർഷകമായ കിഴിവുകൾ കമ്പനി പ്രഖ്യാപിച്ചിട്ടുണ്ട്. പ്രീമിയം സവിശേഷതകളുമായിട്ടാണ് ഹ്യുണ്ടായ് കോന ഇവി വരുന്നത്. ഈ വാഹനം ജൂലൈ മാസത്തിൽ വാങ്ങുന്ന ആളുകൾക്ക് 1,00,000 ലക്ഷം രൂപയുടെ ഫ്ലാറ്റ് ക്യാഷ് ഡിസ്കൌണ്ടുകൾ ലഭിക്കും.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033