അഹമ്മദാബാദ് : ലോകകപ്പില് പാകിസ്ഥാനെതിരായ നിര്ണായ പോരാട്ടത്തിനിറങ്ങും മുമ്പ് ശുഭ്മാന് ഗില്ലിനെത്തേടി ഐസിസി പുരസ്കാരം. ഐസിസിയുടെ സെപ്റ്റംബര് മാസത്തെ മികച്ച താരമായാണ് ഗില് തെരഞ്ഞെടുക്കപ്പെട്ടത്. ഡെങ്കിപ്പനിമൂലം ലോകകപ്പിലെ ആദ്യ രണ്ട് മത്സരങ്ങളിലും ഇന്ത്യക്കായി ഇറങ്ങാന് ഗില്ലിനായിരുന്നില്ല. നാളെ പാകിസ്ഥാനെതിരായ മത്സരത്തില് ഗില് ടീമില് തിരിച്ചെത്തുമെന്നാണ് പ്രതീക്ഷിക്കുന്നത്. കഴിഞ്ഞ മാസം നടന്ന ഏഷ്യാ കപ്പില് 75.5 ബാറ്റിംഗ് ശരാശരിയില് 302 റണ്സെടുത്ത ഗില് ടൂര്ണെമന്റിലെ ടോപ് സ്കോററായിരുന്നു. ഇതിന് പിന്നാലെ ഓസ്ട്രേലിയക്കെതിരായ ഏകദിന പരമ്പരയിലെ ആദ്യ രണ്ട് മത്സരങ്ങളില് സെഞ്ചുറി ഉള്പ്പെടെ 178 റണ്സും നേടി.
ഏഷ്യാ കപ്പില് ബംഗ്ലാദേശിനെതിരെയും ഗില് സെഞ്ചുറി നേടിയിരുന്നു. കഴിഞ്ഞ മാസം മൂന്ന് അര്ധസെഞ്ചുറികളും ഗില് സ്വന്തം പേരിലാക്കി. കഴിഞ്ഞ മാസം കളിച്ച എട്ട് ഇന്നിഗ്സുകളില് രണ്ട് തവണ മാത്രമാണ് ഗില് 50ല് താഴെയുള്ള സ്കോറിന് പുറത്തായത്. ഏകദിനങ്ങളില് 35 മത്സരങ്ങളില് നിന്ന് 66.1 ശരാശരിയില് 1917 റണ്സടിച്ച ഗില് 102.84 എന്ന മികച്ച പ്രഹരശേഷിയും നിലനിര്ത്തുന്നു. ഐസിസി ഏകദിന ബാറ്റിംഗ് റാങ്കിംഗില് പാക് നായകന് ബാബര് അസമിന് തൊട്ടുപിന്നില് രണ്ടാം സ്ഥാനത്താണ് ഗില് ഇപ്പോള്.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
