കോഴിക്കോട്: കോൺഗ്രസ് നേതാവ് കെ. മുരളീധരന് സമനില തെറ്റിയിരിക്കുകയാണെന്ന് ബി.ജെ.പി. സംസ്ഥാന അധ്യക്ഷൻ കെ. സുരേന്ദ്രൻ. ബി.ജെ.പിയിൽ അംഗത്വം എടുക്കാതെ മുരളീധരൻ കേരള നിയമസഭയിൽ കാലുകുത്തില്ലെന്നും സുരേന്ദ്രൻ മാധ്യമങ്ങളോട് പറഞ്ഞു. കെ. മുരളീധരന് സമനില തെറ്റിയിരിക്കുകയാണ്. തൃശ്ശൂരില് പറഞ്ഞത് ബി.ജെ.പി.ക്ക് കോഴിമുട്ടയാണ് കിട്ടാന് പോകുന്നത് എന്നാണ്. ഏത് ലോകത്താണ് ഇവര്. കെ. മുരളീധരന് എവിടെനിന്ന് ജയിക്കാനാണ്. കരയില് പിടിച്ചിട്ട മീന് പോലെ പിടയ്ക്കുകയാണ്. ബി.ജെ.പിയിൽ അംഗത്വം എടുക്കാതെ മുരളീധരൻ കേരള നിയമസഭയിൽ കാല് കുത്തില്ല.
മുരളീധരനെ പോലെ ഇത്രയും വേഗം തെറ്റിദ്ധരിപ്പിക്കാന് കഴിയുന്ന ഒരു നേതാവ് ഇന്ന് കോണ്ഗ്രസിലില്ല.
അദ്ദേഹമൊരു നിഷ്കളങ്കനായ മനുഷ്യനാണ്. പത്മജ അത് പറഞ്ഞിട്ടുണ്ട്. എന്ത് ചതിയാണ് സുധാകരനും സതീശനും കാണിക്കുന്നത്. ഇവരുടെ താത്പര്യങ്ങള്ക്കുവേണ്ടി അദ്ദേഹത്തെ ബലിയാടാക്കുകയാണ്. ചതി എന്ന് പറഞ്ഞാൽ സൂപ്പർ ചതിയാണ്. കെ. കരുണാകരന്റെ മകനായാലും ഉമ്മന് ചാണ്ടിയുടെ മകനായാലും പുകച്ച് പുറത്ത് ചാടിക്കാനുള്ള വലിയ സംഘം കോൺഗ്രസിൽ പ്രവര്ത്തിക്കുന്നുണ്ട്.
