പത്തനംതിട്ട : ഇലന്തൂര് ഗ്രാമപഞ്ചായത്തിന്റെ വികസന സദസിന്റെ ഉദ്ഘാടനം ജില്ലാ പഞ്ചായത്ത് അംഗം ഓമല്ലൂര് ശങ്കരന് നിര്വഹിച്ചു. ഗ്രാമപഞ്ചായത്ത് കമ്മ്യൂണിറ്റി ഹാളില് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷന് അഡ്വ. കെ ജെ സിനി അധ്യക്ഷത വഹിച്ചു. ഇലന്തൂര് ബ്ലോക്ക് പഞ്ചായത്ത് പ്രസിഡന്റ് ജെ ഇന്ദിരാദേവി മുഖ്യപ്രഭാഷണം നടത്തി. റിസോഴ്സ് പേഴ്സണ് കെജി ബഷീര് വികസന സദസിന്റെ ലക്ഷ്യം വിശദീകരിച്ചു. തുടര്ന്ന് വിവിധ മേഖലകളിലെ സര്ക്കാരിന്റെ നേട്ടം സംബന്ധിച്ച് വീഡിയോ പ്രദര്ശിപ്പിച്ചു. പഞ്ചായത്തിന്റെ ക്ഷേമപ്രവര്ത്തനങ്ങളും വികസന പദ്ധതികളും സംബന്ധിച്ച് സെക്രട്ടറി സന്ദീപ് ജേക്കബ് വീഡിയോ പ്രദര്ശനവും അവതരണവും നടത്തി. ഭാവി വികസനത്തെ കുറിച്ച് നിര്ദേശം പങ്കുവച്ച് ചര്ച്ചയും നടന്നു. ഓപ്പണ് ഫോറം ചര്ച്ചയ്ക്ക് ഗ്രാമപഞ്ചായത്ത് അസിസ്റ്റന്റ് സെക്രട്ടറി റ്റി കെ സുനില് നേതൃത്വം നല്കി.
സംസ്ഥാന സര്ക്കാരും തദ്ദേശസ്ഥാപനങ്ങളും നടത്തിയ വികസന പ്രവര്ത്തനം വിലയിരുത്താനും ഭാവി വികസനത്തിന് പൊതുജനാഭിപ്രായം സ്വീകരിക്കുന്നതിനുമാണ് സദസ് സംഘടിപ്പിച്ചത്. ലൈഫ് ഭവന പദ്ധതിയുടെ വിവിധ ഘട്ടങ്ങളായി 117 ഗുണഭോക്താക്കള്ക്ക് ആനുകൂല്യം നല്കുന്നതിന് സാധിച്ചതായും വികസന രേഖയില് പറഞ്ഞു. ഗ്രാമപഞ്ചായത്ത് അംഗങ്ങളായ ഗീതാ സദാശിവന് സജി തെക്കുംകര ഗ്രാമപഞ്ചായത്ത് അംഗങ്ങളായ ഗീതാ സദാശിവന്, സജി തെക്കുംകര, ഗ്രേസി സാമുവല്, സീനിയര് ക്ലര്ക്ക് ജ്യോതി വര്ഗീസ് തുടങ്ങിയവര് പങ്കെടുത്തു.
