തിരുവനന്തപുരം : മതസ്പര്ദ്ധ വളര്ത്തുന്ന സന്ദേശങ്ങള് സൃഷ്ടിക്കുന്നവര്ക്കും സമൂഹമാധ്യമങ്ങളിലൂടെ പ്രചരിപ്പിക്കുന്നവര്ക്കുമെതിരെ കര്ശന നടപടിയെടുക്കുമെന്ന് കേരള പോലീസ്. ഔദ്യോഗിക ഫേസ്ബുക്ക് പേജിലാണ് പോലീസ് ഇക്കാര്യം അറിയിച്ചത്. മത സ്പര്ദ്ധ വളര്ത്തുന്നതും സമൂഹത്തില് ചേരിതിരിവ് ഉണ്ടാക്കുന്നതുമായ സന്ദേശങ്ങള് സമൂഹമാധ്യമങ്ങളിലൂടെ പ്രചരിപ്പിക്കപ്പെടുന്നത് ശ്രദ്ധയില്പ്പെട്ടിട്ടുണ്ട്. ഇത്തരം സന്ദേശങ്ങള് സൃഷ്ടിക്കുന്നവര്ക്കും പ്രചരിപ്പിക്കുന്നവര്ക്കുമെതിരെയും ഇവ പങ്കുവയ്ക്കുന്ന ഗ്രൂപ്പുകളുടെ അഡ്മിന്മാര്ക്കെതിരെയും കര്ശന നടപടി സ്വീകരിക്കുമെന്നും പോലീസ് അറിയിച്ചു.
