കോന്നി : പോപ്പുലർ നിക്ഷേപകർക്ക് അടിയന്തര ധനസഹായം പ്രഖ്യാപിക്കണമെന്ന് ബിജെപി ആവശ്യപ്പെടുന്നു. പല നിക്ഷേപകരും ജീവിക്കാൻ പറ്റാത്ത സാഹചര്യത്തിലാണ്. പലർക്കും ചികിത്സാ സംബന്ധമായ ആവശ്യങ്ങൾക്ക് പോലും പണം കണ്ടെത്തുവാൻ കഴിയാത്ത അവസ്ഥയിലാണ്. നിക്ഷേപകരിൽ പലരും കടുത്ത മാനസിക സമ്മർദ്ദത്തിലാണ്. കുട്ടികളുടെ വിവാഹ വിദ്യാഭ്യാസ ആവശ്യങ്ങൾ പോലും നിർവഹിക്കുവാൻ സാധിക്കുന്നില്ല. പല കുടുംബങ്ങളും ആത്മഹത്യയുടെ വക്കിലെത്തി നിൽക്കുകയാണ്. മാറിമാറി ഭരിച്ച സംസ്ഥാന സർക്കാരുകളുടെ ഒത്താശയോടു കൂടിയാണ് ഇത്തരം സ്വകാര്യ ധനകാര്യ സ്ഥാപനങ്ങൾ ജനങ്ങളെ കൊള്ളയടിക്കാൻ കാരണമായത്. ആയതിനാൽ ഈ വിഷയത്തിൽ നിക്ഷേപകരെ സഹായിക്കാൻ സർക്കാർ പാക്കേജ് പ്രഖ്യാപിക്കണം. ഇരുമുന്നണികളും നിക്ഷേപകരെ വഞ്ചിക്കുന്ന നിലപാടുകളിൽ നിന്നും ഇനിയെങ്കിലും പിന്മാറണം. ഹൈക്കോടതിയുടെ ഉത്തരവ് ഉണ്ടായിട്ടുപോലും പ്രത്യേകം കേസുകൾ എടുക്കുവാൻ പോലീസ് മടി കാണിക്കുകയാണ്. പോലീസിൻറെ ഭാഗത്ത് നിന്നും ഇത്തരത്തിലുള്ള നിരുത്തരവാദപരമായ സമീപനമാണ് ഉണ്ടായിക്കൊണ്ടിരിക്കുന്നത്. ഇരുമുന്നണികളും നിക്ഷേപകരെ വഞ്ചിക്കുന്ന സമീപനത്തിൽ നിന്നും പിൻമാറണമെന്ന് ബിജെപി ജില്ലാ ജനറൽ സെക്രട്ടറി വി എ സൂരജ് ആവശ്യപ്പെടുന്നു.
