മലപ്പുറം: കെഎസ്ആര്ടിസിയുടെ ‘പ്രിയദര്ശിനി’ സൗജന്യ യാത്രാപദ്ധതി മലപ്പുറം ജില്ലയില് വലിയ വിജയമാകുന്നു. പദ്ധതിയുടെ ആദ്യ ഒരു മാസം പിന്നിടുമ്പോള് മലപ്പുറം ജില്ലയിലെ കണക്കുകളില് പെരിന്തല്മണ്ണ ഡിപ്പോയാണ് ഒന്നാമത്. ജൂണ് 15 മുതല് ജൂലൈ 14 വരെയുള്ള ഒരു മാസത്തെ കണക്കുകള് പ്രകാരം 2,63,128 വനിതകളാണ് പെരിന്തല്മണ്ണയില് നിന്ന് ഈ സൗകര്യം പ്രയോജനപ്പെടുത്തിയത്. യാത്രക്കാരുടെ എണ്ണത്തില് മാത്രമല്ല, ‘സീറോ ടിക്കറ്റ്’ വഴിയുള്ള വരുമാനക്കണക്കിലും പെരിന്തല്മണ്ണയാണ് മുന്നില്. 89,09,363 രൂപയാണ് ഇവിടെ നിന്ന് ലഭിക്കേണ്ട തുക. ദീര്ഘദൂര ടൗണ്-ടു-ടൗണ് സര്വീസുകള് അധികമുള്ളതാണ് പെരിന്തല്മണ്ണ ഡിപ്പോയുടെ ഈ വലിയ നേട്ടത്തിന് കാരണം. ജില്ലയിലാകെ ഒരു മാസത്തിനുള്ളില് 9.11 ലക്ഷം വനിതകളാണ് പദ്ധതി പ്രയോജനപ്പെടുത്തിയത്. ഇതിലൂടെ കെഎസ്ആര്ടിസിക്ക് ലഭിക്കേണ്ട ആകെ ‘സീറോ ടിക്കറ്റ്’ വരുമാനം 2.9 കോടി രൂപയാണ്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
