റാന്നി : പഴവങ്ങാടി കൃഷി ഭവന്റെ സ്റ്റേറ്റ് ഹോർട്ടികൾച്ചർ പദ്ധതി പ്രകാരം പഴവങ്ങാടി അഞ്ചുകുഴി പ്രത്യാശ ഭവന് അനുവദിച്ച ഗാർഡൻ റ്റില്ലർ ഉദ്ഘാടനം ചെയ്തു. പഞ്ചായത്ത് പ്രസിഡന്റ് അനിത അനിൽകുമാർ ഉദ്ഘാടനം നിർവഹിച്ചു. വൈസ് പ്രസിഡന്റ് ജോൺ എബ്രഹാം അധ്യക്ഷത വഹിച്ചു. ബ്ലോക്ക് പഞ്ചായത്തംഗം അന്നമ്മ തോമസ്, സ്ഥിരം സമിതി അധ്യക്ഷ ഷേർളി ജോർജ്, വാർഡ് അംഗങ്ങളായ അജിത്ത് ഏണസ്റ്റ്, റൂബി കോശി, അനീഷ് ഫിലിപ്പ്, ബിജി വർഗീസ്, കൃഷി അസിസ്റ്റന്റ് ഡയറക്ടർ സിജി സൂസന്, കൃഷി ഓഫീസര് മുത്തുസ്വാമി, പ്രത്യാശ ഭവൻ ഡയറക്ടർ ഫാ. കൊച്ചുകുഞ്ഞ് കോശി എന്നിവർ പ്രസംഗിച്ചു.
