മല്ലപ്പള്ളി: ബി.ആർ.സിയുടെ നേതൃത്വത്തിൽ പ്രത്യേക പരിഗണന അർഹിക്കുന്ന കുട്ടികളിൽ കൃഷിയിലൂടെ സ്വയം പര്യാപ്തത നേടുക എന്ന ലക്ഷ്യം മുന്നിൽക്കണ്ട് സമഗ്ര ജൈവ തെറപ്പി ഹരിതാങ്കണം പ്രവർത്തനങ്ങളുടെ ഉദ്ഘാടനം മല്ലപ്പള്ളി ബ്ലോക്ക് പഞ്ചായത്ത് പ്രസിഡന്റ് ബിന്ദുചന്ദ്ര മോഹൻ നിർവഹിച്ചു. വായ്പൂര് മുഹമ്മദൻസ് യു.പി സ്കൂൾ വിദ്യാർത്ഥി മുഹമ്മദ് അസ്ലമിന്റെ വീട്ടിൽ നടന്ന ഉദ്ഘാടന യോഗത്തിൽ കോട്ടാങ്ങൽ ഗ്രാമപഞ്ചായത്ത് പ്രസിഡന്റ് ബിനു ജേക്കബ്ബ് തൈകളുടെ വിതരണോദ്ഘാടനം നടത്തി.
കോട്ടാങ്ങൽ ഗ്രാമ പഞ്ചായത്ത് വിദ്യാഭ്യാസ സ്റ്റാന്റിങ് കമ്മറ്റി അംഗം ദീപ്തി ദാമോദരൻ അധ്യക്ഷത വഹിച്ചു. സെപ്ഷ്യൽ എഡ്യുക്കേറ്റർ നീതു സ്വാഗതവും, സി.ആര്‍.സി.സി കോര്‍ഡിനേറ്റർ പരമേശ്വരൻ പോറ്റി നന്ദിയും രേഖപ്പെടുത്തി. ചടങ്ങിൽ ബ്ലോക്ക് പ്രോഗ്രാം കോര്‍ഡിനേറ്റർ വി. അമ്പിളി, കോട്ടാങ്ങൽ കൃഷി ഓഫീസർ ജെറീന കെ. ജലീൽ ,കൃഷി അസിസ്റ്റൻറ് റാണി, മുഹമ്മദൻസ് യു പി സ്കൂൾ പ്രഥമ അധ്യാപിക ഷീജ ഫാൻ, അധ്യാപകരായ എസ്.ഡി ബൈജു, ശാന്തി സാമുവേൽ , ദിവ്യ സ്വാമി, അഞ്ജു ശശിധർ എന്നിവരും പങ്കെടുത്തു.
