റാന്നി: സ്റ്റേറ്റ് ബാങ്ക് ഓഫ് ഇന്ത്യയുടെ നേതൃത്വത്തിൽ വില്ലേജ് കണക്ട് പരിപാടി വെച്ചൂച്ചിറയിൽ സംഘടിപ്പിച്ചു. വെച്ചൂച്ചിറ സി എം എസ് സ്കൂളിൽ നടന്ന വില്ലേജ് കണക്ട് പ്രോഗ്രാം റാന്നി ബ്ലോക്ക് പഞ്ചായത്ത് സ്ഥിരം സമിതി അധ്യക്ഷൻ സതീഷ് കെ. പണിക്കർ ഉദ്ഘാടനം ചെയ്തു. ബാങ്ക് ശാഖാ മാനേജർ ശ്യാം ശങ്കർ അധ്യക്ഷത വഹിച്ചു. ചീഫ് മാനേജർ നെഫിൻ ക്രിസ്റ്റഫർ വിവിധ പദ്ധതികൾ വിശദീകരിച്ചു.
സാബു പുല്ലാട്ട്, ജി. റിജു എന്നിവർ പ്രസംഗിച്ചു.കാർഷിക മേഖലയിൽ മികവ് തെളിയിച്ച ജോസ് പുത്തേട്ട്, പി. ടി. മാത്യു, ജോണി കൊല്ലംകുന്നേൽ, മനു തോമസ്, നോഹിൻ സാൽവേ ഉണ്ണിട്ടൻ എന്നിവരെയും മികച്ച വിജയം നേടിയ വിദ്യാർത്ഥികളെയും ആദരിച്ചു. ബാങ്കിന്റെ സാമൂഹിക സേവന പ്രവർത്തനങ്ങളുടെ ഭാഗമായി വിദ്യാലയത്തിൽ സ്ഥാപിച്ച വാട്ടർ പ്യുരിഫയറിന്റെ ഉദ്ഘാടനം നെഫിൻ ക്രിസ്റ്റഫർ നിർവഹിച്ചു.