പത്തനംതിട്ട : ഏനാദിമംഗലം ഗ്രാമപഞ്ചായത്തിലെ ജനകീയാസൂത്രണം 2021-22 പ്രകാരം പഞ്ചായത്തിലെ 100 കുടുംബങ്ങള്‍ക്ക് തേനീച്ച വളര്‍ത്തുന്നതിന് പരിശീലനം നല്‍കുന്നതിനും തേനീച്ച, കൂട്, സാമഗ്രികള്‍ വിതരണം ചെയ്യലും പരിപാടി “തേന്‍ ഗ്രാമം പദ്ധതി” യുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് രാജഗോപാലൻ നായർ നിർവഹിച്ചു. ചടങ്ങിൽ പഞ്ചായത്ത് വൈസ് പ്രസിഡന്റ് ഉദയ രശ്മി അദ്ധ്യക്ഷത വഹിക്കുകയും വികസനകാര്യ സ്റ്റാൻഡിങ് കമ്മിറ്റി ചെയർമാൻ സാം വാഴോട് സ്വാഗതം ആശംസിക്കുകയും ചെയ്തു.
ക്ഷേമകാര്യ സ്റ്റാൻഡിങ് കമ്മിറ്റി ചേയര്‍പേഴ്സൺ ലിജ മാത്യു, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശങ്കർ മാരൂർ, മെമ്പർമാരായ മിനി മനോഹരൻ, ലക്ഷ്മി ജോതിഷ്, കാഞ്ചന, ജീനാ ഷിബു, അരുൺ രാജ്, ലത ജെ, പ്രകാശ്, വിദ്യാ ഹരികുമാർ, സതീഷ് കുമാർ, അനൂപ് വേങ്ങവിളയിൽ, കൃഷി ഓഫീസര്‍ എന്നിവർ പങ്കെടുത്തു.
