പത്തനംതിട്ട : തിരുവല്ല നഗരസഭയുടെ മേൽനോട്ടത്തിലുള്ള തിരുവല്ല താലൂക്ക് ആസ്ഥാന ആശുപത്രിയിൽ മുൻസിപ്പാലിറ്റി ഫണ്ട് 45 ലക്ഷം രൂപ വിനിയോഗിച്ച് 12 യൂണിറ്റ് ഫ്രീസർ സൗകര്യങ്ങളോട് കൂടിയ മോർച്ചറി, ലാബ് ഉപകരണങ്ങൾ (ബയോ കെമിസ്ട്രി ആൻഡ് ഹോർമോണൽ അനലൈസർ മെഷീൻസ്) ,പബ്ലിക് അഡ്രെസ്സിങ് സിസ്റ്റം, വാട്ടർ എടിഎം, ഫാർമസി റാക്ക് എന്നിവയുടെയും പ്രവർത്തന ഉദ്ഘാടനം നടന്നു. തുടർന്ന് സാറാമ്മ ഫ്രാൻസിസ് അധ്യക്ഷത വഹിച്ച യോഗത്തിൽ തിരുവല്ല മുൻസിപ്പൽ ചെയർപേഴ്സൺ അനു ജോർജ്ജ് പൊതു സമ്മേളനം ഉദ്ഘാടനം ചെയ്തു.
മുൻസിപ്പാലിറ്റിയുടെ വിവിധ ഫണ്ടുകൾ ആശുപത്രിയുടെ വികസനത്തിനും തുടർ പ്രവർത്തനങ്ങൾക്കും വേണ്ടി മാറ്റി വെച്ചിട്ടുണ്ടെന്നു ചെയർപേഴ്സൺ യോഗത്തിൽ അറിയിച്ചു. തുടർന്ന് നടന്ന സമ്മേളനത്തിൽ ജോസ് പഴയിടം, ഷീല വർഗീസ്, ശ്രീനിവാസ് പുറയാട്ട്, ജെനു മാത്യു, പി. പ്രേംജിത് ശർമ്മ, റെയ്ന ജോർജ്, ഷാനി താജ്, മാത്യു ചാക്കോ, അഡ്വ. നൈനാൻ, വി. എം മത്തായി, അനീർ മുഹമ്മദ്, മനു ജോസഫ്, മോഹൻദാസ് പെരിങ്ങര, എ കെ ആസാദ്, ലെജു എം സക്കറിയ ,ശോഭ വിനു എന്നിവർ സംസാരിച്ചു. ആശുപത്രി സൂപ്രണ്ട് ഡോ. ബിജു ബി എൻ സ്വാഗതം ആശംസിച്ച യോഗത്തിൽ ഡോ മഞ്ജു. എബ്രഹാം കൃതജ്ഞത രേഖപ്പെടുത്തി.
