പത്തനംതിട്ട : ജില്ലയിലെ പ്രധാന മത്സ്യവിപണന കേന്ദ്രമായ നവീകരിച്ച പത്തനംതിട്ട നഗരസഭാ മാര്ക്കറ്റിന്റെ ഉദ്ഘാടനം നാളെ (26) രാവിലെ 10 ന് ആരോഗ്യമന്ത്രി വീണാ ജോര്ജ് നിര്വഹിക്കും. സ്ഥലം എംഎല്എയായ മന്ത്രി വീണാ ജോര്ജ്ജിന്റെ ആസ്തി വികസന പദ്ധതിയില് നിന്നും ഒരു കോടി രൂപ ചെലവഴിച്ചാണ് നവീകരണ പ്രവര്ത്തനങ്ങള് പൂര്ത്തീകരിച്ചത്. ഗുണമേന്മയുള്ള മത്സ്യം ശുചിത്വമുളള പശ്ചാത്തലത്തില് ന്യായമായ വിലയ്ക്ക് ഉപഭോക്താക്കള്ക്ക് ലഭ്യമാക്കി മത്സ്യത്തൊഴിലാളികളുടെ വരുമാനത്തില് വര്ദ്ധനവ് വരുത്തുക, പ്രദേശത്തെ മത്സ്യവിപണനം വിപുലീകരിക്കുക തുടങ്ങിയ ഉദ്ദേശങ്ങളോടെയാണ് മാര്ക്കറ്റ് നവീകരിച്ചത്. 400 ചതുരശ്ര അടിയിലധികം വിസ്തൃതിയില് മാര്ക്കറ്റിനായി പുതിയ കെട്ടിടം നിര്മിച്ചിട്ടുണ്ട്. ചടങ്ങില് നഗരസഭാ ചെയര്മാന് അഡ്വ. ടി.സക്കീര് ഹുസൈന് അധ്യക്ഷത വഹിക്കും. സംസ്ഥാന തീരദേശ വികസന കോര്പറേഷന് മാനേജിംഗ് ഡയറക്ടര് പി.എ ഷെയ്ഖ് പരീത്, ജില്ലാ ആസൂത്രണ സമിതി അംഗം പി.കെ അനീഷ്, നഗരസഭാംഗങ്ങള്, രാഷ്ട്രീയപാര്ട്ടി പ്രതിനിധികള്, ഉദ്യോഗസ്ഥര് തുടങ്ങിയവര് പങ്കെടുക്കും.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക
