മസ്കറ്റ്: ഇൻകാസ് ഇബ്രിയുടെ നേതൃത്വത്തിൽ വെള്ളിയാഴ്ച ഇബ്രി കാസിൽ ഹോട്ടലിൽ വെച്ച് നടത്തിയ ഇഫ്താർസംഗമത്തിൽ സാമൂഹിക സാംസ്കാരിക പ്രവർത്തകർ സ്വദേശികൾ ഉൾപ്പെടെ അഞ്ഞൂറോളം പേർ പങ്കടുത്തു. ത്യാഗത്തിന്റെയും സഹനത്തിന്റെയും വിശ്വാസത്തിലൂന്നി മനസ്സും ശരീരവും സ്വയം സമർപ്പിക്കുന്ന നാളുകളിൽ വൃതാനുഷ്ഠാനത്തിന്റെ ആത്മീയ ഉണർവിനൊപ്പം പരസ്പര്യത്തിന്റെ മാധുര്യം പങ്കുവയ്ക്കാൻ മാനവീകതയുടെ ഒത്തു ചേരലിന് സാധിക്കുമെന്ന് നമസ്കാരത്തിനും പ്രാർഥന നേതൃത്വം നൽകികൊണ്ട് നൗഫൽ അൻവരി കെഎംസിസി അഭിപ്രായപെട്ടു. ഉപാദികളില്ലാത്ത സഹോദര്യമാണ് മാനവികതയെ കൂടുതൽ സുന്ദരമാക്കുന്നതന്നു അധ്യക്ഷത വഹിച്ചുകൊണ്ട് ആക്ടിങ് പ്രസിഡന്റ് രാജശേഖരൻ ചേർത്തല പറഞ്ഞു.
ജീവകാരുണ്യ പ്രവർത്തനങ്ങൾക്ക് ഊന്നൽ നൽകി കൊണ്ട് ഇൻകാസിന്റെ പ്രവർത്തനം മുന്നോട്ടു കൊണ്ട് പോകുമെന്ന് ഇഫ്താർ കമ്മിറ്റി കൺവീനറും ഇൻകാസ് വൈസ് പ്രസിഡന്റ്മായ അൻസാരി യുസുഫ് പറഞ്ഞു. ജനറൽ സെക്രട്ടറി ഷിഹാബ് തട്ടാരുകുറ്റിയിൽ സ്വാഗതവും സാമൂഹ്യ പ്രവർത്തകൻ കുയിൽ നിസാർ ഇഫ്താർ സംഗമം കോർഡിനേറ് ചെയ്തു. വിനുപ് വെണ്ട്രപ്പള്ളി, എൽദോ, നവാസ്, സുഭാഷ്, ഷാനവാസ്, ദീപു, സന്തോഷ്, സുഹൈൽ, പ്രഭാത്, താജുദ്ധീൻ കോഞ്ചേരി, എബിൻ, സുബൈർ കരുനാഗപ്പള്ളി എന്നിവർ നേതൃത്വം നൽകി. ട്രഷറർ മുരളി നന്ദി രേഖപെടുത്തി.
