റാന്നി: ചെറിയ പതാകകളും കൈയ്യേലേന്തി പതിനഞ്ചോളം വരുന്ന അന്യസംസ്ഥാന തൊഴിലാളികളുടെ സ്വാതന്ത്ര്യദിന റാലി യാത്രക്കാരില് കൗതുകമുണര്ത്തി. ഇന്നു രാവിലെ എട്ടുമണിയോടെ റാന്നിയില് നിന്നും ഇട്ടിയപ്പാറയിലേക്കായിരുന്നു ഇവരുടെ പ്രകടനം. സ്വാതന്ത്ര്യ ദിനത്തില് വിദ്യാര്ത്ഥികളല്ലാത്തവര് റാലികള് നടത്താറില്ലാത്ത സമയത്താണ് ഈ റാലി എന്നതാണ് കൗതുകമായത്. തൊഴിലാളികള് രാവിലെ ഹിന്ദിയില് മുദ്രാവാക്യം ഉയര്ത്തി എത്തിയതോടെയാണ് നാട്ടുകാര് ശ്രദ്ധിച്ചത്.
ചെറിയ പ്രകടനമായി ആസാദി മുദ്രാവാക്യമുയര്ത്തി വാഹനയാത്രയ്ക്കാര്ക്ക് തടസമുണ്ടാക്കാതെ അച്ചടക്കം പാലിച്ചായിരുന്നു ഇവരെത്തിയത്. നിരവധി കേസുകളില് അകപ്പെട്ട് അന്യസംസ്ഥാന തൊഴിലാളികളെ തദ്ദേശിയര് സംശയത്തോടെ കാണുമ്പോള് തയ്യാറെടുപ്പുകളോടെ നടത്തിയ റാലികളെ നിഷ്പ്രഭമാക്കുന്ന തരത്തിലുള്ളതായി ഇവരുടെ സ്വതന്ത്ര്യ സംരക്ഷണ റാലി.
