ന്യൂഡല്ഹി: രാജ്യത്ത് കോവിഡ് ബാധിതരുടെ എണ്ണം ദിനംപ്രതി വര്ധിക്കുന്നു. രാജ്യത്ത് 24 മണിക്കൂറിനിടെ 83,341 പേര്ക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്തെ ആകെ കോവിഡ് രോഗികളുടെ എണ്ണം 39,36,747 ആയി. 24 മണിക്കൂറിനിടെ 1,096 മരണം കൂടി റിപ്പോര്ട്ട് ചെയ്തതോടെ രാജ്യത്തെ മരണ സംഖ്യ 68,472 ആയി ഉയര്ന്നു.
രാജ്യത്ത് നിലവില് വിവിധ സംസ്ഥാനങ്ങളിലായി 8,31,124 പേര് ചികിത്സയിലാണ്. 30,37,152 പേര് ഇതുവരെ രോഗമുക്തി നേടി. മഹാരാഷ്ട്ര, തമിഴ്നാട്, കര്ണാടക, ഡല്ഹി എന്നീ സംസ്ഥാനങ്ങളില് കോവിഡ് രോഗികളുടെ എണ്ണം ക്രമാതീതമായി ഉയരുകയാണ്.
