ഡല്ഹി : ഇന്ത്യയില് നിന്ന് കുവൈത്തിലേക്ക് നേരിട്ടുള്ള വിമാന സര്വീസുകള് ഇന്ന് മുതല് ആരംഭിക്കും. എയര് ഇന്ത്യ എക്സ്പ്രസ് ഉള്പ്പെടെയുള്ള വിമാനക്കമ്പിനികള് ടിക്കറ്റ് ബുക്കിങ് ആരംഭിച്ചു. എയര് ഇന്ത്യ എക്സ്പ്രസ്സ് ആദ്യ വിമാനം നാളെ കൊച്ചിയില് നിന്ന് പുറപ്പെടും.
കേരളത്തില് നിന്നും ആഴ്ചയില് 5 സര്വീസുകള് ആണ് എയര് ഇന്ത്യ എക്സ്പ്രസ്സ് ഷെഡ്യൂള് ചെയ്തത്. ചൊവ്വ, വ്യാഴം ദിവസങ്ങളില് കൊച്ചിയില് നിന്നും ബുധന്, വെള്ളി, തിങ്കള് ദിവസങ്ങളില് കോഴിക്കോട്ടു നിന്നുമാണ് സര്വീസുകള്. 250 ദീനാര് മുതലാണ് ടിക്കറ്റ് നിരക്ക്. ബുക്കിംഗ് ആരംഭിച്ചു മിനുട്ടുകള്ക്കകം തന്നെ ടിക്കറ്റുകള് വിറ്റു തീര്ന്നു. ചൊവ്വാഴ്ച കൊച്ചിയില് നിന്നാണ് എയര് ഇന്ത്യ എക്സ്പ്രസിന്റെ ആദ്യ സര്വീസ്.
ഇന്ന് ചെന്നൈയില് നിന്ന് കുവൈത്ത് എയര്വെയ്സ് വിമാനവും കുവൈത്തിലേക്ക് സര്വീസ് നടത്തും. ബുധന്, വ്യാഴം ദിവസങ്ങളില് കൊച്ചിയില് നിന്നും ഡല്ഹിയില് നിന്നും കുവൈത്ത് എയര്വേയ്സ് സര്വീസ് ക്രമീകരിച്ചിട്ടുണ്ട്. ഇന്ത്യയില്നിന്ന് പ്രതിദിനം 768 സീറ്റുകളാണ് അനുവദിച്ചിട്ടുള്ളത്.