ശ്രീനഗര് : ലോകം കൊവിഡ് ആശങ്കയില് നില്ക്കുമ്പോള് ജമ്മുകാഷ്മീരില് വീണ്ടും പാക്കിസ്ഥാന്റെ വെടിനിര്ത്തല് ലംഘനം. പൂഞ്ചിലെ മാന്കോട്ട് സെക്ടറിലാണ് പാക്കിസ്ഥാന് വെടിനിര്ത്തല് ലംഘനം നടത്തിയത്. ഇന്ത്യ ശക്തമായി തിരിച്ചടിക്കുന്നതായി സേനാ വൃത്തങ്ങള് അറിയിച്ചു.
അതേസമയം ജമ്മു കശ്മീരില് പോലീസ് നടത്തിയ പരിശോധനയില് ഭീകര സംഘടനയായ ലഷ്കര് ഇത്വയ്ബയുമായി ബന്ധമുള്ള ആറ് പേര് അറസ്റ്റിലായി. ജമ്മു ഐജിയായ മുകേഷ് സിംഗാണ് ഇക്കാര്യം അറിയിച്ചത്. ഭീകരര്ക്ക് സാമ്പത്തിക സഹായം നല്കുന്ന ചിലരെക്കുറിച്ച് പോലീസിന് രഹസ്യവിവരം ലഭിച്ചിരുന്നു. ഇതിനു പിന്നാലെയാണ് പരിശോധന നടന്നത്. സ്പെഷ്യല് ഓപ്പറേഷന്സ് ഗ്രൂപ്പ് നടത്തിയ പരിശോധനയില് ആണ് ആറു പേര് കൂടി പിടിയിലായത്.
