ഇന്ഫര്മേഷന് അസിസ്റ്റന്റ്; അപേക്ഷ ക്ഷണിച്ചു
ഇന്ഫര്മേഷന് ആന്റ് പബ്ലിക് റിലേഷന്സ് വകുപ്പിന്റെ സംയോജിത വികസന വാര്ത്താ ശൃംഖല (പ്രിസം) പദ്ധതിയുടെ ഭാഗമായി പത്തനംതിട്ട ജില്ലയില് ഒഴിവുള്ള ഒരു ഇന്ഫര്മേഷന് അസിസ്റ്റന്റ് തസ്തികയിലേക്ക് അപേക്ഷ ക്ഷണിച്ചു. ഏതെങ്കിലും വിഷയത്തില് ബിരുദവും ജേണലിസം/ പബ്ലിക് റിലേഷന്സ്/ മാസ് കമ്മ്യൂണിക്കേഷന് ഡിപ്ലോമയും. അല്ലെങ്കില് ജേണലിസം / പബ്ലിക് റിലേഷന്സ്/ മാസ് കമ്മ്യൂണിക്കേഷനില് അംഗീകൃത ബിരുദം, പത്ര ദൃശ്യമാധ്യമങ്ങളിലോ വാര്ത്താ ഏജന്സികളിലോ ഓണ്ലൈന് മാധ്യമങ്ങളിലോ സര്ക്കാര് /അര്ദ്ധ സര്ക്കാര് സ്ഥാപനങ്ങളുടെ പിആര് വാര്ത്താ വിഭാഗങ്ങളിലോ ഒരു വര്ഷത്തെ പ്രവൃത്തി പരിചയം എന്നിവ യോഗ്യത. പ്രായ പരിധി 35 വയസ്. അപേക്ഷകന്റെ ഫോട്ടോ, വിദ്യാഭ്യാസ യോഗ്യത, തിരിച്ചറിയല് രേഖ, പ്രവൃത്തി പരിചയ സര്ട്ടിഫിക്കറ്റ് എന്നിവ സഹിതം നേരിട്ടോ, തപാല് മുഖേന പത്തനംതിട്ട ജില്ലാ ഇന്ഫര്മേഷന് ഓഫീസ്, ഗ്രൗണ്ട് ഫ്ളോര്, കളക്ടറേറ്റ്, പത്തനംതിട്ട എന്ന വിലാസത്തിലോ അപേക്ഷ സമര്പ്പിക്കണം. അവസാന തീയതി സെപ്തംബര് അഞ്ച്. വിജ്ഞാപനം www.prd.kerala.gov.in ല് ലഭ്യമാണ്.എഴുത്ത് പരീക്ഷയുടെയും ഇന്റര്വ്യൂവിന്റെയും അടിസ്ഥാനത്തിലാണ് പാനല് പട്ടിക തയ്യാറാക്കുന്നത്. കൂടുതല് വിവരങ്ങള്ക്ക് ഫോണ് : 0468 2222657
അഭയകിരണം പദ്ധതി അപേക്ഷ ക്ഷണിച്ചു
50 വയസ്സിനു മുകളില് പ്രായമുള്ളതും വാര്ഷിക വരുമാനം ഒരു ലക്ഷം രൂപയില് കവിയാത്തതും പ്രായ പൂര്ത്തിയായ മക്കളില്ലാത്തതുമായ അശരണരായ വിധവകളെ സംരക്ഷിക്കുന്നവര്ക്ക് 2023-24 സാമ്പത്തിക വര്ഷത്തേയ്ക്ക് പ്രതിമാസം 1000 രൂപ നിരക്കില് ധനസഹായം അനുവദിക്കുന്നതിന് ഓണ്ലൈന് അപേക്ഷ ക്ഷണിച്ചു. മുന് വര്ഷം ധനസഹായം ലഭിച്ചവര് ആനുകൂല്യം തുടര്ന്നും ലഭ്യമാകുന്നതിനായി വീണ്ടും അപേക്ഷ സമര്പ്പിക്കണം. വിശദ വിവരങ്ങള് www.schemes.wcd.kerala.gov.in എന്ന വെബ് സൈറ്റില് ലഭ്യമാണ്. അപേക്ഷ ഓണ്ലൈനായി സമര്പ്പിക്കേണ്ട അവസാന തീയതി: ഡിസംബര് 15.ഫോണ്. 0468 2966649
വീഡിയോ എഡിറ്റിംഗ് കോഴ്സിന് അപേക്ഷ ക്ഷണിച്ചു
കേരള മീഡിയ അക്കാദമിയുടെ കൊച്ചി സെന്ററില് സെപ്റ്റംബറില് തുടങ്ങുന്ന വീഡിയോ എഡിറ്റിംഗ് സര്ട്ടിഫിക്കറ്റ് കോഴ്സിന് അപേക്ഷ ക്ഷണിച്ചു. തിയറിയും പ്രാക്ടിക്കലും ഉള്പ്പെടെ 6 മാസമാണ് കോഴ്സിന്റെ കാലാവധി. 30 പേര്ക്കാണ് പ്രവേശനം. നൂതന സോഫ്റ്റ്വെയറുകളില് പരിശീലനം നല്കും. കോഴ്സിന്റെ ഭാഗമായി പ്രായോഗിക പരിശീലനവും നല്കും. സര്ക്കാര് അംഗീകാരമുള്ള കോഴ്സിന് 34,500 രൂപയാണ് ഫീസ്. പട്ടികജാതി/പട്ടികവര്ഗ/ഒ.ഇ.സി വിദ്യാര്ഥികള്ക്ക് അര്ഹമായ ആനുകൂല്യങ്ങള് ലഭിക്കും. പ്ലസ് ടു വിദ്യാഭ്യാസ യോഗ്യതയുള്ളവര്ക്ക് www.keralamediaacademy.org വെബ്സൈറ്റിലൂടെ ഓണ്ലൈനായി അപേക്ഷ സമര്പ്പിക്കാം. അപേക്ഷാഫീസ് 300 രൂപ (പട്ടികജാതി, പട്ടികവര്ഗ, ഒ.ഇ.സി. വിഭാഗക്കാര്ക്ക് 150 രൂപ) ഇ-ട്രാന്സ്ഫര്/ ബാങ്ക് മുഖേന അടച്ച രേഖയും, സര്ട്ടിഫിക്കറ്റുകളുടെ പകര്പ്പും അപേക്ഷയോടൊപ്പം അപ്ലോഡ് ചെയ്യണം. അപേക്ഷ സ്വീകരിക്കുന്ന അവസാന തീയതി സെപ്റ്റംബര് ഒന്ന്. ഫോണ്:0484 2422275, 9447607073.
യോഗം സെപ്റ്റംബര് 7 ന്
തദ്ദേശ സ്വയംഭരണ സ്ഥാപനങ്ങളില് നിലവിലുളള വോട്ടര് പട്ടിക അടിസ്ഥാനമാക്കിയും 2023 ജനുവരി ഒന്ന് യോഗ്യത തീയതിയായി നിശ്ചയിച്ചും 2023 സെപ്റ്റംബറില് സംക്ഷിപ്ത പുതുക്കല് നടത്താന് കേരള സംസ്ഥാന തെരഞ്ഞെടുപ്പ് കമ്മീഷന് തീരുമാനപ്രകാരം സെപ്റ്റംബര് ഏഴിന് ഉച്ചയ്ക്ക് രണ്ടിന് വടശേരിക്കര പഞ്ചായത്ത് കോണ്ഫറന്സ് ഹാളില് യോഗം ചേരുമെന്ന് വടശേരിക്കര പഞ്ചായത്ത് സെക്രട്ടറി അറിയിച്ചു.
ജില്ലാ ആസൂത്രണ സമിതി യോഗം മാറ്റി
ആഗസ്റ്റ് 26 ന് നടത്താനിരുന്ന ജില്ലാ ആസൂത്രണ സമിതി യോഗം മാറ്റി വെച്ചു. പുതുക്കിയ തീയതി പിന്നീട് അറിയിക്കും.
എല്.ബി.എസ് സെന്റര് ഫ്രാഞ്ചൈസികള്ക്ക് അപേക്ഷ ക്ഷണിച്ചു
എല്.ബി.എസ് സെന്റര് ഫോര് സയന്സ് ആന്ഡ് ടെക്നോളജി ഫ്രാഞ്ചൈസികള് ആരംഭിക്കുന്നതിന് അപേക്ഷ ക്ഷണിച്ചു. സാങ്കേതിക മേഖലയിലെ നൂതന കോഴ്സുകള് വ്യാപിപ്പിക്കുന്നതിന്റെ മുന്നോടിയായാണ് ഫ്രാഞ്ചൈസികള്ക്ക് തുടക്കമിടുന്നത്. തൊഴില് നൈപുണ്യം വളര്ത്തി എടുക്കുന്നതിന് പ്രാപ്തമായതും നൂതന സാങ്കേതികവിദ്യയായ ആര്ട്ടിഫിഷ്യല് ഇന്റലിജന്സ്, ഡാറ്റ അനലിറ്റിക്സ്, റോബോട്ടിക്സ് തുടങ്ങിയ മേഖലകളിലെ കോഴ്സുകള്ക്കാണ് പ്രാമുഖ്യം. ഐടി കോഴ്സുകള്ക്കു പുറമെ ടൂറിസം, ഹോസ്പിറ്റാലിറ്റി മാനേജുമെന്റ്, ലോജിസ്റ്റിക്സ്, ഏവിയേഷന്, ഹെല്ത്ത് കെയര് എന്നി മേഖലകളിലെ കോഴ്സുകളുടെ നടത്തിപ്പിനാണ് അപേക്ഷ ക്ഷണിച്ചത്. അപേക്ഷ സമര്പ്പിക്കേണ്ട അവസാന തീയതി സെപ്തംബര് 5. വെബ്സൈറ്റ്: www.lbscentre.kerala.gov.in. ഫോണ് :0471 2560333. 6238553571
ഷോര്ട്ട് ലിസ്റ്റ് പ്രസിദ്ധീകരിച്ചു
പത്തനംതിട്ട ജില്ലയില് വിവിധ വകുപ്പുകളില് കോണ്ഫിഡന്ഷ്യല് അസിസ്റ്റന്റ് ഗ്രേഡ് രണ്ട് (സ്പെഷ്യല് റിക്രൂട്ട്മെന്റ് പട്ടിക വര്ഗം മാത്രം) (കാറ്റഗറി നം. 620/2021) തസ്തികയുടെ 19/2023/ഡിഒഎച്ച് നമ്പര് ചുരുക്കപട്ടിക 18.8.2023 തീയതിയില് പ്രസിദ്ധീകരിച്ചതായി പത്തനംതിട്ട ജില്ലാ പിഎസ്സി ഓഫീസര് അറിയിച്ചു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
