വനം വകുപ്പിന്റെ പ്രോത്സാഹന ധനസഹായ പദ്ധതിക്ക് അപേക്ഷിക്കാം
സ്വകാര്യ ഭൂമികളിലെ തടിയുല്പാദനം വര്ധിപ്പിക്കുന്നതിനും ഉല്പാദിപ്പിക്കുന്ന തടിയിനങ്ങളില് സ്വയംപര്യാപ്തത കൈവരിക്കുന്നതിനും ഭൂവുടമകള്ക്ക് അധികവരുമാനം ലഭിക്കുന്നതിനും 2024-25 വര്ഷത്തിലേക്കുളള പ്രോത്സാഹന ധനസഹായ പദ്ധതി വനം വകുപ്പ് നടപ്പാക്കിയിട്ടുണ്ട്. തേക്ക്, ചന്ദനം, മഹാഗണി, ആഞ്ഞിലി, പ്ലാവ്, ഈട്ടി, കമ്പകം, കുമ്പിള്, കുന്നിവാക, തേമ്പാവ് എന്നീ വൃക്ഷതൈകള് നട്ടുവളര്ത്തുന്നതിനാണ് ഈ പദ്ധതി. പൂരിപ്പിച്ച അപേക്ഷ ജൂലൈ 31 നകം പത്തനംതിട്ട സോഷ്യല് ഫോറസ്ട്രി ഡിവിഷനിലെ അസിസ്റ്റന്റ് ഫോറസ്റ്റ് കണ്സര്വേറ്റര്ക്ക് സമര്പ്പിക്കണം. അപേക്ഷ ഫോറം എലിയറയ്ക്കല് സോഷ്യല് ഫോറസ്ട്രി ഡിവിഷന് ഓഫീസില് നിന്നും വനം വകുപ്പിന്റെ www.keralaforest.gov.in എന്ന വെബ് സൈറ്റില് നിന്നും ലഭിക്കും.
സൗജന്യ പരിശീലനം
പത്തനംതിട്ട എസ്ബിഐ യുടെ ഗ്രാമീണ സ്വയം തൊഴില് പരിശീലന കേന്ദ്രം 10 ദിവസത്തെ സൗജന്യ നോര്ത്ത് ഇന്ത്യന് വിഭവങ്ങള് കേക്ക്, ഫ്രൂട്ട് സാലഡ്, കുക്കീസ്, ഷേക്സ്, ചോക്ലേറ്റ്സ്, പുഡിങ്സ് എന്നിവയുടെ നിര്മ്മാണ പരിശീലനം ആരംഭിച്ചു. പ്രായം 18-44 ഫോണ്: 0468 2270243, 8330010232.
———
ഐടിഐ പ്രവേശനം
സര്ക്കാര് ഐ ടി ഐ കളിലേയ്ക്ക് പ്രവേശനത്തിനായി ഓണ്ലൈന് ആയി അപേക്ഷിക്കുന്നതിനുള്ള അവസരം ജൂണ് 29 ന് അവസാനിക്കും. വെബ്സൈറ്റ് വഴി ജൂണ് 29 വരെ അപേക്ഷിക്കാം. അപേക്ഷകന് സംസ്ഥാനത്തെവിടെയുമുളള സര്ക്കാര് ഐ ടി ഐ കളിലേയ്ക്കും ഓണ്ലൈന് ആയി അപേക്ഷിക്കാം. നൂറു രൂപയാണ് അപേക്ഷാ ഫീസ്. അപേക്ഷ ഓണ്ലൈനായി സമര്പ്പിക്കുന്നതിനോടൊപ്പം സമീപത്തെ ഐ.ടി.ഐ.യില് എത്തി സര്ട്ടിഫിക്കറ്റ് പരിശോധന ജൂലൈ ആറിനകം പൂര്ത്തിയാക്കണം. ഫോണ് :0468-2258710.
——-
ജില്ലാ വികസന സമിതി യോഗം 29 ന്
ജില്ലാ വികസന സമിതി യോഗം ജൂണ് 29 ന് രാവിലെ 10.30 ന് കളക്ടറേറ്റ് കോണ്ഫറന്സ് ഹാളില് ചേരും.
പ്രിന്സിപ്പല് നിയമനം
കോന്നി കൗണ്സില് ഫോര് ഫുഡ് റിസര്ച്ച് ആന്ഡ് ഡെവലപ്മെന്റിന്റെ ഉടമസ്ഥതയിലുളള കോളജ് ഓഫ് ഇന്ഡിജനസ് ഫുഡ് ടെക്നോളജിയില് പ്രിന്സിപ്പല് തസ്തികയിലേക്ക് ഒരു വര്ഷത്തേയ്ക്ക് കരാര് അടിസ്ഥാനത്തില് നിയമനം നടത്തുന്നതിന് യോഗ്യരായ ഉദ്യോഗാര്ഥികളില് നിന്നും അപേക്ഷ ക്ഷണിച്ചു. പ്രതിമാസ വേതനം 60000 രൂപ. യോഗ്യത :ഫുഡ് ടെക്നോളജി /ഫുഡ് ടെക്നോളജി ആന്ഡ് ക്വാളിറ്റി അഷ്വറന്സ് വിഷയത്തില് 55 ശതമാനം മാര്ക്കോടെ ബിരുദാനന്തര ബിരുദവും പിഎച്ച്ഡിയും 15 വര്ഷത്തില് കുറയാത്ത അധ്യാപന പ്രവര്ത്തി പരിചയവും. മതിയായ യോഗ്യതയുളളവരുടെ അഭാവത്തില് 10 വര്ഷത്തില് കുറയാത്ത പ്രവൃത്തി പരിചയവും പരിഗണിക്കും. അപേക്ഷ സ്വീകരിക്കുന്ന അവസാന തീയതി ജൂലൈ 31. വെബ്സൈറ്റ് : www.supplycokerala.com, www.cfrdkerala.in. ഫോണ് : 0468 2961144.
പ്രീമെട്രിക് സ്കോളര്ഷിപ്പിനായുള്ള ക്ലെയിമുകള് സമര്പ്പിക്കണം
2024-25 വര്ഷം ജില്ലയില് വിവിധ വിദ്യാഭ്യാസ സ്ഥാപനങ്ങളില് പഠനം നടത്തുന്ന പട്ടികവര്ഗ വിദ്യാര്ഥികള്ക്ക് പ്രീമെട്രിക് സ്കോളര്ഷിപ്പിനായുള്ള ക്ലെയിമുകള് ഇ-ഗ്രാന്റസ് 3.0 പോര്ട്ടല് മുഖേന എത്രയും വേഗം സമര്പ്പിക്കുന്നതിന് സ്ഥാപനമേധാവികള് നടപടി സ്വീകരിക്കണമെന്ന് റാന്നി ട്രൈബല് ഡെവലപ്മെന്റ് ഓഫീസര് അറിയിച്ചു. ഫോണ് : 04735 227703.
——–
ലേലം
കല്ലൂപ്പാറ ഗ്രാമപഞ്ചായത്തിലെ മുട്ടാര്, തുരുത്തിക്കാട്, കുഞ്ചരം, വെള്ളനാട് എന്നീ ചാലുകളില് നിന്ന് 2024-25 സാമ്പത്തിക വര്ഷം മത്സ്യം പിടിക്കുന്നതിനുള്ള അവകാശം ജൂലൈ നാലിന് പകല് 11:30 ന് പഞ്ചായത്ത് ഓഫീസില് ലേലം ചെയ്യുമെന്ന് പഞ്ചായത്ത് സെക്രട്ടറി അറിയിച്ചു.
