സമയ പരിധി നീട്ടി
സംസ്ഥാന ലഹരി വര്ജന മിഷന് വിമുക്തി സ്കൂള് കോളേജ് വിദ്യാര്ഥികളില് ലഹരിയുടെ ദൂഷ്യവശങ്ങളെക്കുറിച്ച് ബോധവാന്മാരാക്കുക, അവരുടെ സര്ഗവാസനയെ പ്രോത്സാഹിപ്പിക്കുക എന്ന ലക്ഷ്യത്തോടെ സംഘടിപ്പിക്കുന്ന ഷോട്ട്ഫിലിം മത്സരത്തിന്റെ എന്ട്രികള് പൂര്ത്തീകരിച്ച് സമര്പ്പിക്കേണ്ട അവസാന തീയതി ഈ മാസം 15 വരെ നീട്ടിയതായി ജില്ല ഡെപ്യൂട്ടി എക്സൈസ് കമ്മീഷണര് അറിയിച്ചു. ഫോണ് : 0468 – 2222873.
യോഗ സര്ട്ടിഫിക്കറ്റ് പ്രോഗ്രാമിന് അപേക്ഷിക്കാം
സ്റ്റേറ്റ് റിസോഴ്സ് സെന്ററിന്റെ ആഭിമുഖ്യത്തിലുള്ള എസ്.ആര്.സി കമ്മ്യൂണിറ്റി കോളേജ് നടത്തുന്ന യോഗ സര്ട്ടിഫിക്കറ്റ് പ്രോഗ്രാമിന് ഈ മാസം 15 വരെ അപേക്ഷിക്കാം. അപേക്ഷകര് പത്താം ക്ലാസ്സ് പാസ്സായിരിക്കണം. https://srccc.in/download എന്ന ലിങ്കില് നിന്നും അപേക്ഷാ ഡൗണ്ലോഡ് ചെയ്യാം. അപേക്ഷ ലഭിക്കേണ്ട അവസാന തീയതി ഈ മാസം 15. അപേക്ഷാഫോറവും പ്രോസ്പെക്ടസും തിരുവനന്തപുരം നന്ദാവനം പോലീസ് ക്യാമ്പിനു സമീപം പ്രവര്ത്തിക്കുന്ന എസ്.ആര്.സി ഓഫീസില് നിന്നും ലഭിക്കും. ഫോണ് : 0471 – 2325101. ജില്ലയിലെ പഠന കേന്ദ്രങ്ങള് ; ശ്രീ വിശുദ്ധി യോഗ വിജ്ഞാന കേന്ദ്രം, പത്തനംതിട്ട (9447432066), പൈതൃക് സ്കൂള് ഓഫ് യോഗ, തിരുവല്ല (8606031784).
ഗതാഗത നിയന്ത്രണം
കോഴിപാലം – കാരയ്ക്കാട് റോഡില് പുനരുദ്ധാരണ പ്രവര്ത്തികള് ആരംഭിക്കുന്നതിനാല് ഈ റോഡിലെ വാഹന ഗതാഗതം ഈ മാസം ഏഴ് മുതല് ഒരുമാസത്തേക്ക് താല്ക്കാലികമായി നിയന്ത്രിച്ചു. കുറിച്ചിമുട്ടം ഭാഗത്തുനിന്നും പൊയ്കമുക്കിലേക്ക് പോകേണ്ട വാഹനങ്ങള് കുറിച്ചിമുട്ടം ജംഗ്ഷനില് നിന്നും കിടങ്ങന്നൂര്ക്കുള്ള പാതയിലൂടെ മണപ്പളളി ജംഗ്ഷനില് എത്തി എലിമുക്ക്-കോട്ട വഴി പൊയ്കമുക്കില് എത്തണം. പൊയ്കമുക്കില്നിന്നും കോഴിപാലം-കുറിച്ചിമുട്ടം ഭാഗത്തേക്ക് വരേണ്ട വാഹനങ്ങള് കോട്ട – എലിമുക്ക് -മണപ്പളളി വഴി കുറിച്ചിമുട്ടം ഭാഗത്തേക്ക് പോകണമെന്നും ജില്ല പൊതുമരാമത്ത് വകുപ്പ് നിരത്ത് ഉപവിഭാഗം അസിസ്റ്റന്റ് എക്സിക്യൂട്ടീവ് എഞ്ചിനീയര് അറിയിച്ചു.
ജൂനിയര് ഹെല്ത്ത് ഇന്സ്പെക്ടര് നിയമനം
കോന്നി താലൂക്ക് ആശുപത്രിയിലേക്ക് ബ്ലോക്ക് പഞ്ചായത്ത് പ്രോജക്ട് മുഖേന താല്ക്കാലികമായി ദിവസവേതനാടിസ്ഥാനത്തില് ജൂനിയര് ഹെല്ത്ത് ഇന്സ്പെക്ടറെ നിയമിക്കുന്നു. വാക്ക് ഇന് ഇന്റവ്യൂവിലൂടെയാണ് നിയമനം. ഈ മാസം 11ന് ഉച്ചയ്ക്ക് 12മണിക്ക് ഓഫീസില് നടത്തുന്ന അഭിമുഖത്തില് യോഗ്യതയുടെയും സര്ട്ടിഫിക്കറ്റ് പരിശോധനയുടെയും കോവിഡ് ബ്രിഗേഡിയറായി സേവനം ചെയ്തിന്റെയും അടിസ്ഥാനത്തിലാണ് നിയമനം. പ്ലസ് ടു, ഡിപ്ലോമ ഇന് ജൂനിയര് ഹെല്ത്ത് ഇന്സ്പെക്ടര് കോഴ്സ് (രണ്ടുവര്ഷം) എന്നിവയാണ് യോഗ്യത. ഉദ്യോഗാര്ത്ഥികള് അസല് സര്ട്ടിഫിക്കറ്റുമായി ഇന്റവ്യൂവില് പങ്കെടുക്കണം.
മേട്രണ് കം റസിഡന്റ് ട്യൂട്ടര് നിയമനം
പത്തനംതിട്ട ജില്ലയില് പട്ടികജാതിവികസന വകുപ്പിനു കീഴില് പ്രവര്ത്തിക്കുന്ന പ്രീമെട്രിക് ഹോസ്റ്റലുകളിലെ വിദ്യാര്ഥികളുടെ രാത്രികാല പഠന മേല്നോട്ട ചുമതലകള്ക്കായി മേട്രണ് കം റസിഡന്റ് ട്യൂട്ടര്മാരെ ഫെബ്രുവരി മുതല് മാര്ച്ച് 31 വരെ കരാര് അടിസ്ഥാനത്തില് 12000 രൂപ പ്രതിമാസ ഹോണറേറിയം വ്യവസ്ഥയില് നിയമിക്കും. ബിരുദവും, ബി.എഡും ഉള്ളവരെയാണ് പരിഗണിക്കുന്നത്.പ്രവൃത്തി സമയം വൈകിട്ട് നാലു മുതല് രാവിലെ എട്ടു വരെയായിരിക്കും. താത്പര്യമുള്ളവര് അസല് സര്ട്ടിഫിക്കറ്റുകള് സഹിതം ഫെബ്രുവരി 11 ന് രാവിലെ 11ന് പത്തനംതിട്ട മിനി സിവില്സ്റ്റേഷനില് പ്രവര്ത്തിക്കുന്ന ജില്ലാ പട്ടികജാതിവികസന ഓഫീസില് കൂടിക്കാഴ്ചക്കായി എത്തിച്ചേരണം. ഫോണ് : 0468 – 2322712
