നിരോധിത പ്ലാസ്റ്റിക് വസ്തുക്കള്‍ നിര്‍മ്മിച്ചാല്‍ നടപടി
റാന്നി പെരുനാട് ഗ്രാമപഞ്ചായത്തിലെ ലൈസന്‍സ് ഇല്ലാതെ പ്രവര്‍ത്തിക്കുന്ന വിവിധ വ്യാപാര വ്യവസായ സ്ഥാപനങ്ങള്‍ക്കെതിരെയും നിരോധിത പ്ലാസ്റ്റിക് വസ്തുക്കള്‍ നിര്‍മ്മിക്കുകയോ, കൈവശം വയ്ക്കുകയോ, വിതരണം നടത്തുകയോ ചെയ്യുന്നവര്‍ക്കെതിരെയും കര്‍ശന നടപടി സ്വീകരിക്കുമെന്ന് റാന്നി പെരുനാട് ഗ്രാമപഞ്ചായത്ത് സെക്രട്ടറി അറിയിച്ചു. ഫോണ്‍: 04735240230.
സ്‌കോള്‍-കേരള; പ്ലസ് വണ്‍ പ്രവേശനത്തിന് അവസരം
സ്‌കോള്‍-കേരള മുഖേന 2020-22 ബാച്ചിലേക്കുള്ള ഒന്നാം വര്‍ഷ ഹയര്‍ സെക്കന്‍ഡറി കോഴ്‌സുകള്‍ക്ക് (ഓപ്പണ്‍ റെഗുലര്‍, പ്രൈവറ്റ്, സ്‌പെഷ്യല്‍ കാറ്റഗറി – പാര്‍ട്ട് 1) പ്രവേശനം നേടാന്‍ ആഗ്രഹിക്കുന്നവര്‍ക്ക് ഈ മാസം 25 മുതല്‍ 30 വരെ സ്‌കോള്‍-കേരളയുടെ ബന്ധപ്പെട്ട ജില്ലാ ഓഫീസുകള്‍ വഴി രജിസ്റ്റര്‍ ചെയ്യാം. പ്രവേശനം നേടാന്‍ ആഗ്രഹിക്കുന്നവര്‍ നിര്‍ദ്ദിഷ്ട എല്ലാ രേഖകളും സഹിതം ബന്ധപ്പെട്ട ജില്ലാ ഓഫീസുകളെ സമീപിക്കാം. ഫോണ്‍:0471 2342950, 2342271, 2342369.
ഗതാഗത നിയന്ത്രണം
ആനയടി-പഴകുളം-കുരമ്പായ-കീരുകുഴി-ചന്ദനപ്പള്ളി-കൂടല്‍ റോഡിലെ പ്രവൃത്തികളോടനുബന്ധിച്ച് ആനയടി മുതല്‍ പഴകുളം വരെയുളള ഭാഗത്തെ കലുങ്കുകളുടെ നിര്‍മ്മാണം നടക്കുന്നതിനാല്‍ ഈ ഭാഗത്തെ വാഹനഗതാഗതം ഈ മാസം 23 മുതല്‍ നൂറനാട് വഴി തിരിച്ചുവിടും.
