ന്യൂഡല്ഹി : ജോലി ചെയ്യുന്നതിനൊപ്പം പുറമേ നിന്നുള്ള മറ്റ് ജോലികള് ഏറ്റെടുത്ത് ചെയ്യുന്നത് (മൂണ്ലൈറ്റിങ്) വിലക്കിക്കൊണ്ടുള്ള മുന്നറിയിപ്പ് നല്കിയിരിക്കുകയാണ് ഇന്ഫോസിസ്. ഇതിനായി ജീവനക്കാര്ക്ക് കമ്പനിയുടെ എച്ച്.ആര്. വിഭാഗം മെയില് അയച്ചു. ‘മൂണ്ലൈറ്റിങ്’ അഥവാ പുറംജോലി ചെയ്യുന്നത് പിരിച്ചുവിടല് ഉള്പ്പെടെയുള്ള അച്ചടക്ക നടപടികളാണ് സ്വീകരിക്കുന്നത്.
കമ്പനിയിലെ ജോലി കുടാതെ പുറത്തുള്ള ജോലി ചെയ്യുന്ന രീതിയാണ് മൂണ്ലൈറ്റിങ്. ഒരു മാസം മുന്പ് വിപ്രോ ചെയര്മാന് റിഷാദ് പ്രേംജിയും സ്ഥാപനത്തില് ജോലി ചെയ്യുമ്പോള് തന്നെ പുറത്തുനിന്ന് മറ്റൊരു ജോലി ഏറ്റെടുത്തു ചെയ്യുന്ന മൂണ്ലൈറ്റിങ് സമ്പ്രദായത്തിനെതിരേ പ്രതിഷേധവുമായി വന്നിരുന്നു. അന്ന് അദ്ദേഹം മൂണ്ലൈറ്റിങ് സമ്പ്രദായത്തെ വഞ്ചന എന്നാണ് വിശേഷിപ്പിച്ചത്. സാധാരണ ജോലിസമയത്തിനിടയിലോ അതിനു ശേഷമോ പുറത്തു നിന്നുള്ള മറ്റ് ജോലികള് ഏറ്റെടുക്കാന് പാടില്ലെന്ന് ഇന്ഫോസിസ് ജീവനക്കാരെ മുമ്പ് അറിയിച്ചിട്ടുള്ളതാണ്. ഇരട്ടജോലി സമ്പ്രദായത്തെ കമ്പനി ശക്തമായി നിരുത്സാഹപ്പെടുത്തുന്നുവെന്നും വ്യക്തമാക്കിയിട്ടുണ്ടെന്ന് ടൈംസ് ഓഫ് ഇന്ത്യ റിപ്പോര്ട്ട് ചെയ്യുന്നു.
കോവിഡ് മഹാമാരിക്കാലത്ത് വര്ക്ക് ഫ്രം ഹോം സമ്പ്രദായം വ്യാപകമായതിന് പിന്നാലെയാണ് മൂണ്ലൈറ്റിങ്ങും സജീവമായത്. ഈ സാഹചര്യം മൂണ്ലൈറ്റിങ്ങിനായി ജീവനക്കാര് ഉപയോഗപ്പെടുത്തുന്നുവെന്ന് ഇന്ഫര്മേഷന് ടെക്നോളജി മേഖലയിലെ പല കമ്പനികളും തിരിച്ചറിഞ്ഞു കഴിഞ്ഞ സാഹചര്യത്തിലാണ് ഇത്തരത്തിലുള്ള ഇഏ നീക്കം. ഇത് ജീവനക്കാരുടെ കാര്യക്ഷമത, ഭിന്നതാല്പര്യങ്ങളുടെ സംഘര്ഷം, വിവരച്ചോര്ച്ച തുടങ്ങിയവയ്ക്ക് വഴിവെക്കുമെന്നാണ് കമ്പനികള് അഭിപ്രയപ്പെടുന്നു.