പത്തനംതിട്ട : ഫാസിസ്റ്റ് വിരുദ്ധ ദിനാചരണത്തിന്റെ ഭാഗമായി ഐ.എൻ.എൽ ആറന്മുള മണ്ഡലം കമ്മിറ്റിയുടെ ആഭിമുഖ്യത്തിൽ പത്തനംതിട്ടയിൽ മതേതര സംഗമം നടത്തി. ജില്ലാ പ്രസിഡന്റ് നിസാർ നൂർമഹൽ ഉദ്ഘാടനം ചെയ്തു. സംസ്ഥാന വർക്കിംഗ് കമ്മിറ്റിയംഗം എ.എസ്.എം. ഹനീഫ അധ്യക്ഷത വഹിച്ചു.
ജില്ലാ ട്രഷറർ ഷിബു ജോസഫ് മുഖ്യപ്രഭാഷണം നടത്തി.
ഇതോടനുബന്ധിച്ചു നടന്ന മണ്ഡലം കൺവൻഷൻ ജില്ലാ ജനറൽ സെക്രട്ടറി ബിജു മുസ്തഫ ഉദ്ഘാടനം ചെയ്തു. സെക്രട്ടറി അബ്ദുൽ ഷുക്കൂർ, മുനിസിപ്പൽ പ്രസിഡന്റ് ജാഫർ ഖാൻ, നാഷണൽ വിമൻസ് ലീഗ് ജില്ലാ പ്രസിഡന്റ് സബീന സാലി, നാഷണൽ യുത്തു ലീഗ് ജില്ലാ പ്രസിഡന്റ് എ.എം. ആബിദ്, ജമാഅത്ത് കൗൺസിൽ താലൂക്ക് പ്രസിഡന്റ് അഹമ്മദ് ഇസ്മയിൽ, എം.ഐ. കനിക്കുട്ടി എന്നിവർ പ്രസംഗിച്ചു.
