രാമപുരം : പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ ഒരാൾകൂടി പിടിയിലായി. കൊല്ലം പത്തനാപുരം വെട്ടിത്തിട്ട കാട്ടുപുറത്ത് കെ.എം.ജിജിനാണ് (31) അറസ്റ്റിലായത്. മരങ്ങാട്ടുപള്ളി എസ്.എച്ച്.ഒ. അജേഷ് കുമാറിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്.
പ്രതിയെ കോടതിയിൽ ഹാജരാക്കി റിമാൻഡ് ചെയ്തു. ഇൻസ്റ്റഗ്രാമിൽകൂടി പരിചയപ്പെട്ട പെൺകുട്ടിയെ പീഡിപ്പിച്ച മൂന്നുപേർ നേരത്തെ അറസ്റ്റിലായിരുന്നു. കൗൺസലിങ്ങിനിടെയാണ് പെൺകുട്ടി പീഡനത്തിന് ഇരയായ വിവരം വീട്ടുകാർ അറിയുന്നത്.