ന്യൂഡൽഹി : അന്താരാഷ്ട്ര ലഹരിക്കടത്ത് സംഘത്തിന്റെ തലവൻ പിടിയിൽ. യുഎഇയിൽ ഒളിവിൽ കഴിഞ്ഞിരുന്ന വീരേന്ദർ സിംഗ് ബസോയയെ നാർക്കോട്ടിക്സ് കൺട്രോൾ ബ്യൂറോ പിടികൂടി ഇന്ത്യയിലെത്തിച്ചു. 13,000 കോടി രൂപയുടെ മയക്കുമരുന്ന് കടത്തുമായി ബന്ധപ്പെട്ട കേസിലെ പ്രധാന സൂത്രധാരനാണ് ഇയാൾ. രാജ്യാന്തര തലത്തിൽ പ്രവർത്തിച്ചിരുന്ന ലഹരിക്കടത്ത് ശൃംഖലയിലെ നിർണായക കണ്ണിയായ ഇയാൾക്കെതിരെ നേരത്തെ തന്നെ അന്വേഷണം നടന്നുവരികയായിരുന്നു. ലഹരി മാഫിയകൾക്കെതിരെയുള്ള രാജ്യത്തിന്റെ പോരാട്ടത്തിലെ പുതിയൊരു നാഴികക്കല്ലാണ് ഇതെന്ന് കേന്ദ്ര ആഭ്യന്തര മന്ത്രി അമിഷ് ഷാ എക്സിൽ കുറിച്ചു. കുറ്റവാളികൾ ലോകത്ത് എവിടെ ഒളിച്ചാലും ഇന്ത്യൻ നിയമത്തിൽ നിന്ന് രക്ഷപ്പെടാനാകില്ലെന്നും അദ്ദേഹം കൂട്ടിച്ചേർത്തു. എൻസിബിയുടെ ഈ നിർണായക നീക്കത്തെ ലഹരിമുക്ത ഇന്ത്യ എന്ന ലക്ഷ്യത്തിലേക്കുള്ള നാഴികക്കല്ല് എന്നാണ് അമിത് ഷാ വിശേഷിപ്പിച്ചത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
