കണ്ണൂർ: രാഹുൽ ഗാന്ധിയുടെ കൽപറ്റയിലെ എം പി ഓഫീസിനു നേരെയുണ്ടായ എസ് എഫ് ഐ ആക്രമണത്തിൽ പ്രതിഷേധിച്ച് കോൺഗ്രസ് നടത്തിയ മാർച്ചിനെ പോലീസ് നിഷ്ക്രിയമായി നോക്കി നിന്നുവെന്ന് ആരോപിച്ച് പോലീസിന് ഉന്നതാധികാരിയുടെ നോട്ടീസ്. ഒരു എസ് ഐ ഉൾപ്പെടെ ഏഴ് പോലീസുകാർക്കാണ് നോട്ടീസ് നൽകിയത്. എസ് പിയാണ് വീഴ്ച ആരോപിച്ച് പോലീസുകാർക്ക് നോട്ടീസ് നൽകിയത്. റോഡ് ഉപരോധ സമയത്ത് നടപടി എടുക്കാതെ പോലീസ് കണ്ടുനിന്നു. പോലീസ് നിഷ്ക്രിയരായി നിൽക്കുന്നത് സി സി ടി വിയിൽ വ്യക്തമായി എന്ന് നോട്ടീസിൽ പറയുന്നുണ്ട്. വീഴ്ച കണ്ടെത്തിയതിനാൽ ഇന്ന് വൈകിട്ട് തൻറെ മുൻപാകെ ഓഡർലി മാർച്ച് നടത്തണമെന്ന് എസിപി ടികെ രത്നകുമാർ നൽകിയ നോട്ടീസിൽ വ്യക്തമാക്കുന്നു
