ഇസ്ലമാബാദ്: പാകിസ്ഥാന് മുന് പ്രധാനമന്ത്രി ഇമ്രാന് ഖാന് എല്ലാ കേസുകളിലും ജാമ്യം. രണ്ടാഴ്ച്ചത്തേക്ക് അറസ്റ്റ് പാടില്ലെന്ന് ഇസ്ലമാബാദ് ഹൈക്കോടതി ഉത്തരവിട്ടു. മെയ് 17 വരെ ഇമ്രാന് ഖാനെ അറസ്റ്റ് ചെയ്യാനാകില്ല. ഇമ്രാന് ഖാനെതിരെ രജിസ്റ്റര് ചെയ്ത എല്ലാ കേസുകളിലും അദ്ദേഹത്തിന് ജാമ്യം അനുവദിക്കുകയും ചെയ്തിട്ടുണ്ട്.
ഇമ്രാന്റെ അറസ്റ്റ് നിയമവിരുദ്ധമാണെന്ന് പാക് സുപ്രീം കോടതി ഇന്നലെ പ്രസ്താവിച്ചിരുന്നു. പിന്നാലെയാണ് ഇമ്രാന് ഖാന് ഇസ്ലമാബാദ് ഹൈക്കോടതി ജാമ്യം അനുവദിച്ചത്. കഴിഞ്ഞ ചൊവ്വാഴ്ച മുന്കൂര് ജാമ്യാപേക്ഷ നല്കാന് ഹാജരായപ്പോഴാണ് സാമ്പത്തിക കുറ്റകൃത്യങ്ങള് അന്വേഷിക്കുന്ന നാഷണല് അക്കൗണ്ടബിലിറഅറി ബ്യൂറോ ഇമ്രാന് ഖാനെ അറസ്റ്റ് ചെയ്തത്. കോടതി മുറിയില് കടന്ന് അറസ്റ്റ് ചെയ്ത നടപടിയെ സുപ്രീം കോടതി രൂക്ഷമായി വിമര്ശിച്ചിരുന്നു.
