പത്തനംതിട്ട : പാലാ ബിഷപ്പിന്റെ വർഗീയ പരാമർശങ്ങൾക്ക് പിന്നാലെ ബിഷപ്പിന്റെ പക്ഷംപിടിച്ച് വർഗ്ഗീയ ദ്രുവീകരണം സൃഷ്ടിക്കാൻ ശ്രമിക്കുന്ന എല്ലാ ശക്തികളെയും മതേതര പൊതുസമൂഹം മാറ്റി നിർത്തണമെന്നും മാനവിക സൗഹാർദം നിലനിർത്തണമെന്ന് ഇലവുപാലം ശംസുദ്ധീൻ മന്നാനി. കെ.എം.വൈ.എഫ് പത്തനംതിട്ട ജില്ലാ പ്രവർത്തകയോഗം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.
ജില്ലാ പ്രസിഡന്റ് മണ്ണടി അർഷദ് ബദ്രി അധ്യക്ഷത വഹിച്ചു. ജനറൽ സെക്രട്ടറി സാദിഖ് കുലശേഖരപതി സ്വാഗതം പറഞ്ഞു. സംസ്ഥാന ജനറൽ സെക്രട്ടറി കാരാളി സുലൈമാൻ ദാരിമി ചർച്ച ഉദ്ഘാടനം ചെയ്തു. നൗഷാദ് മങ്കാകുഴി, സഫീർഖാൻ മന്നാനി, ശാക്കിർ ഹുസ്സൈൻ ദാരിമി, സലീം തലവരമ്പ്,സൈനുദ്ധീൻ മൗലവി, റാശിദ് പേഴുമ്മൂട് , യൂസുഫ് കാട്ടൂർ , പരീത് പുതുശ്ശേരി , അഫ്സൽ പത്തനംതിട്ട, അഡ്വ.ഷിനാജ്, അബ്ദുൽ ബാസിത് എന്നിവർ സംസാരിച്ചു.