ടെൽ അവീവ് : ഗാസയിലെ അല്‍ ഷിഫ ആശുപത്രിക്ക് നേരെ ആക്രമണം ശക്തമാക്കി ഇസ്രായേല്‍ സേന. ഇതോടെ പിഞ്ചു കുഞ്ഞുങ്ങള്‍ ഉള്‍പ്പടെയുളളവര്‍ ജീവശ്വാസത്തിനായി പിടയുന്ന അവസ്ഥയാണ് ഗാസയിൽ. ആശുപത്രിയുമായുളള ആശയവിനിമയം നഷ്ടമായതായി ലോകാരോഗ്യ സംഘടന അറിയിച്ചു. ഗാസയിലെ മറ്റ് ആശുപത്രികള്‍ക്ക് നേരെയും ഇസ്രായേല്‍ സേന ആക്രമണം ശക്തമാക്കിയിട്ടുണ്ട്. അല്‍ ഷിഫ ആശുപത്രി സമുച്ചയം പൂര്‍ണമായും വളഞ്ഞ ഇസ്രായേല്‍ സേന ശക്തമായ ആക്രണമാണ് നടത്തുന്നത്. ആര്‍ക്കും പുറത്തിറങ്ങാന്‍ കഴിയാത്ത സാഹചര്യമാണുള്ളത്. ഇന്ധനം തീര്‍ന്ന് ജനറേറ്ററുകള്‍ നിലച്ചതോടെ മെഡിക്കല്‍ ഉപകരണങ്ങളുടെ പ്രവര്‍ത്തനം പൂര്‍ണമായും നിലയ്ക്കുകയും ചെയ്തു. 39 നവജാത ശിശുക്കളാണ് ഇന്‍ക്യുബേറ്ററില്‍ ഉളളത്. അത്യാഹിത വിഭാഗത്തില്‍ ഉള്‍പ്പടെ ആയിരത്തി അഞ്ഞൂറിലധികം രോഗികള്‍ വേറെയുമുണ്ട്.
ആരോഗ്യ പ്രവര്‍ത്തകരും അഭയാര്‍ത്ഥികളും കൂടി ഉള്‍പ്പെടുമ്പോള്‍ ഇവിടെയുളളവരുടെ എണ്ണം ഇരുപതിനായിരം കവിയും. അത്യാഹിത വിഭാഗത്തിലുളള രോഗികള്‍ മരണത്തിന് കീഴടങ്ങി തുടങ്ങിയതായി ആശുപത്രി അധികൃതര്‍ കഴിഞ്ഞ ദിവസം പറഞ്ഞിരുന്നു. ഗാസയിലെ മറ്റൊരു പ്രധാന ആശുപത്രിയായ അല്‍ഖുദ്‌സിലും ഇസ്രയേല്‍ ടാങ്കുകള്‍ വളഞ്ഞിരിക്കുകയാണ്. പതിനായിരത്തിലധികം ആളുകളാണ് ഇവിടെയും അഭയം തേടിയിരിക്കുന്നത്. ഭക്ഷണവും വെളളവും ഇല്ലാത്ത അവസ്ഥയിലാണ് ഇവര്‍. ഗാസ സിറ്റിയിലെയും വടക്കന്‍ ഗാസയിലെയും നിരവധി ആശുപത്രികളും ആക്രണത്തിന് ഇരയാകുന്നുണ്ടെന്നും റിപ്പോർട്ടുകളുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
