ന്യൂഡല്ഹി : നമ്പി നാരായണനെതിരായ ഐഎസ്.ആര്.ഒ ഗൂഡാലോചന കേസില് സിബിഐയുടെ അന്വേഷണ പുരോഗതി റിപ്പോര്ട്ട് തിങ്കളാഴ്ച സുപ്രീംകോടതി പരിശോധിക്കും. കഴിഞ്ഞ ദിവസമാണ് സിബിഐ സംഘം സുപ്രീംകോടതിയില് അന്വേഷണ പുരോഗതി റിപ്പോര്ട്ട് സീല്വെച്ച കവറില് നല്കിയത്.
റിട്ടയേഡ് ജസ്റ്റിസ് ഡി.കെ.ജയിന് സമിതിയുടെ ശുപാര്ശയുടെ അടിസ്ഥാനത്തില് സുപ്രീംകോടതി കഴിഞ്ഞ ഏപ്രില് മാസത്തിലാണ് ഗൂഡാലോചന അന്വേഷണം സിബിഐക്ക് വിട്ടത്. മൂന്ന് മാസത്തിനകം അന്വേഷണ പുരോഗതി റിപ്പോര്ട്ട് സമര്പ്പിക്കാനും കോടതി നിര്ദ്ദേശിച്ചിരുന്നു.
ഇതനുസരിച്ചാണ് സിബിഐ അന്വേഷണ പുരോഗതി റിപ്പോര്ട്ട് സമര്പ്പിച്ചത്. കേസില്l ആരോപണം നേരിടുന്ന മുന് ഉദ്യോഗസ്ഥരുടെ മൊഴി സിബിഐ രേഖപ്പെടുത്തിയിരുന്നു. മുന് ഡിജിപി സിബി മാത്യൂസ്, എസ്.പിമാരായിരുന്ന കെ.കെ.ജോഷ്വ, എസ്.വിജയന്, മുന് ഐ.ബി ഡെപ്യുട്ടി ഡയറക്ടര് ആര്.ബി.ശ്രീകുമാര് എന്നിവര്ക്കെതിരെ നടപടി വേണം എന്നതായിരുന്നു നമ്പി നാരായണന്റെ ആവശ്യം.
