റോം: ഇംഗ്ലീഷ് സംസാരിച്ചാല് ഇറ്റലിയില് ഇനി 90 ലക്ഷം പിഴ. ഇംഗ്ലീഷ് അടക്കമുള്ള വിദേശ ഭാഷകള് നിരോധിക്കാനാണ് ഇറ്റലിയിലെ തീവ്ര വലതുപക്ഷ ഭരണകൂടത്തിന്റെ നീക്കം. സര്ക്കാര്-സ്വകാര്യ സ്ഥാപനങ്ങളില് ഇനി മുതല് ഇറ്റാലിയന് അല്ലാത്ത ഭാഷ സംസാരിച്ചാല് 90 ലക്ഷം രൂപ വരെ പിഴ ചുമത്താനാണ് നീക്കം നടക്കുന്നത്. പ്രധാനമന്ത്രി ജിയോര്ജിയ മെലോനിയുടെ പാര്ട്ടിയായ ‘ബ്രതേഴ്സ് ഓഫ് ഇറ്റലി’ അംഗമാണ് ബില് പാര്ലമെന്റില് അവതരിപ്പിച്ചത്.
ചാറ്റ്ജിപിടിക്ക് നിരോധനം ഏര്പ്പെടുത്തിയത് വലിയ വാര്ത്തയായതിനു പിന്നാലെയാണ് ഇറ്റലിയുടെ പുതിയ നീക്കം. പ്രധാനമായും ഇംഗ്ലീഷ് ഭാഷാ ഭ്രമം തടയാനാണ് നിയമത്തിലൂടെ ലക്ഷ്യമിടുന്നത്. പാര്ലമെന്റിന്റെ ഇരുസഭകളും ബില് പാസാക്കിയാല് വിദേശഭാഷാ നിരോധനം ഇറ്റലിയില് നിയമമാകും. സര്ക്കാര്-സ്വകാര്യ സ്ഥാപനങ്ങളിലും പൊതു ഇടങ്ങളിലുമെല്ലാം ഇംഗ്ലീഷ് സംസാരിച്ചാല് ഒരു ലക്ഷം യൂറോ(ഏകദേശം 89.33 ലക്ഷം രൂപ)യാകും പിഴ ചുമത്തുക. അതേസമയം, ബില്ലിനുമേലുള്ള തുടര്നടപടികള് എന്നുണ്ടാകുമെന്ന് വ്യക്തമല്ല.
