തിരുവല്ല : ഇത് ഞാനാടാ ..തിരുവല്ല മുനിസിപ്പല്‍ സെക്രട്ടറി .. നഗരസഭ ഭരിക്കുന്നത്‌ ഞാനാടാ ….. ഭീഷണിയും ഗുണ്ടായിസവുമായി തിരുവല്ല നഗരസഭാ സെക്രട്ടറി. സ്റ്റാലിൻ എന്ന പേര് ആരും മറക്കരുത് എന്ന നിര്‍ബദ്ധം സി.പി.എം കാരനായ സ്റ്റാലിൻ നാരായണന് ഉണ്ടെന്നും അതുകൊണ്ടുതന്നെ ഒട്ടും വിട്ടുകൊടുക്കുവാന്‍ ഇയാള്‍ തയ്യാറല്ലെന്നും തിരുവല്ലക്കാര്‍ പറയുന്നു. എവിടെയും ഭീഷണിയാണ്. തിരുവല്ലയില്‍ നടക്കുന്നത് ഗുണ്ടാപ്പിരിവാണെന്ന് തട്ടുകടക്കാര്‍ പോലും പറഞ്ഞുതുടങ്ങി. ഒരു പ്രമുഖ ഗ്രൂപ്പിന്റെ തിരുവല്ലയിലെ ഷോറൂമില്‍ നിന്ന് ലക്ഷങ്ങളാണ് ചിലര്‍ ആവശ്യപ്പെട്ടതെന്ന് മാനേജര്‍ മാള്‍ട്ടന്‍ റപ്പേല്‍ പറയുന്നു. തിരക്കേറിയ ജംഗ്ഷനില്‍ ആയതിനാല്‍ പല ബുദ്ധിമുട്ടുകളും തങ്ങള്‍ക്കുണ്ടെന്ന് പറഞ്ഞ ഇദ്ദേഹം നഗരസഭയെ പിണക്കുവാനും തയ്യാറല്ല. കാരണം ഒന്നിനുപിറകെ മറ്റൊന്നായി കുറിമാനം നല്‍കുവാന്‍ നഗരസഭയ്ക്ക് കഴിയും. എല്ലാം ഒരു അഡ്ജസ്റ്റ് മെന്റ് ആണെന്നും ഇദ്ദേഹം തുറന്നു പറയുന്നു.
തിരുവല്ല നഗരസഭയുടെ മുന്‍ ചെയര്‍മാനും കോണ്‍ഗ്രസ് നേതാവുമായ ജയകുമാറിനെ ഇന്ന് നഗരസഭാ കവാടത്തില്‍ വെച്ച് കയ്യേറ്റം ചെയ്യുവാന്‍ ശ്രമിച്ചതാണ് ഏറ്റവും ഒടുവില്‍ വിവാദമായത്. പ്രശ്നം ജില്ലാ കോണ്‍ഗ്രസ് കമ്മിറ്റി ഏറ്റെടുത്തതോടെ വരുംദിവസങ്ങളില്‍ കൂടുതല്‍ പ്രതിഷേധങ്ങള്‍ ഉണ്ടാകുവാന്‍ സാധ്യതയുണ്ട്. തിരുവല്ല നഗരസഭാ സെക്രട്ടറി സ്റ്റാലിൻ നാരായണന് മുമ്പ് ചെങ്ങന്നൂര്‍ നഗരസഭയില്‍ സെക്രട്ടറി ആയിരുന്നു. അവിടെ തുടര്‍ച്ചയായി വിഷയങ്ങള്‍ ഉണ്ടായതിനെ തുടര്‍ന്നാണ്‌ ഇപ്പോള്‍ തിരുവല്ലയില്‍ എത്തിയിരിക്കുന്നത് എന്നാണ് വിവരം. നേരത്തെ ജനങ്ങളെ സേവിച്ച പന്തളം, ചെങ്ങന്നൂർ നഗരസഭകളിലും സമാനമായ രീതിയിൽ കൗൺസിലർമാർക്കും പൊതുപ്രവർത്തകർക്കുംനേരെ ഇത്തരം കയ്യേറ്റശ്രമങ്ങള്‍ ഉണ്ടായിട്ടുണ്ടെന്ന് പലരും പറയുന്നു. ഇവിടെയൊക്കെ കേസ് നിലവിലുണ്ടെന്നുമാണ് വിവരം. ആലപ്പുഴ ജില്ലയിൽ നിന്നുള്ള ഒരു മുൻമന്ത്രിയുടെ പിന്തുണയാണ് ഇയാളുടെ പ്രവര്‍ത്തികള്‍ക്ക് പിന്നില്‍ ഉള്ളതെന്നും പറയുന്നു.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 94473 66263 /0468 295 3033 / mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
