റാന്നി : ബന്ദിനോടനുബന്ധിച്ച് സംയുക്ത സത്യാഗ്രഹം നടത്തി. 27നാണ് സംയുക്ത തൊഴിലാളി സംഘടനകളുടെ നേതൃത്വത്തില്‍ നടത്തുന്ന ഭാരത് ബന്ദ്. കര്‍ഷക കരിനിയമങ്ങള്‍ പിന്‍വലിക്കുക, തൊഴിലാളി വിരുദ്ധകോഡുകള്‍ പിന്‍വലിക്കുക, കര്‍ഷക തൊഴിലാളിക്കായി കേന്ദ്ര നിയമം പാസാക്കുക എന്നീ ആവശ്യങ്ങള്‍ ഉന്നയിച്ചാണ് ഭാരത്ബന്ദ് നടത്തുന്നത്. എ.ഐ.ടി.യു.സി ജില്ലാ വൈസ് പ്രസിഡന്‍റ് ടി.ജെ ബാബുരാജ് ഉദ്ഘാടനം ചെയ്തു. കിസാന്‍സഭ മണ്ഡലം സെക്രട്ടറി ജോജോ കോവൂര്‍ അധ്യക്ഷത വഹിച്ചു.എ.ജി ഗോപകുമാര്‍,തെക്കേപ്പുറം വാസുദേവന്‍,എന്‍.ജി പ്രസന്നന്‍,പി.ടി മാത്യു എന്നിവര്‍ പ്രസംഗിച്ചു.
