കോന്നി : ഫെബ്രുവരി 12 ദേശീയ പണിമുടക്കിനോട് അനുബന്ധിച്ച് സംയുക്ത ട്രേഡ് യൂണിയന്റെ നേതൃത്വത്തില് കോന്നി മണ്ഡലം പ്രചരണ ജാഥ നടന്നു. സി.ഐ.റ്റി.യു സംസ്ഥാന കമ്മറ്റി അംഗം മലയാലപ്പുഴ മോഹനന് ജാഥാ ക്യാപ്റ്റനും എ.ഐ.റ്റി.യു.സി കോന്നി മണ്ഡലം സെക്രട്ടറി കെ.രാജേഷ് വൈസ് ക്യാപ്റ്റനുമായാണ് ജാഥ നടന്നത്. രാവിലെ ഒന്പത് മണിക്ക് ആങ്ങമൂഴിയില് നിന്നും സി.ഐ.റ്റി.യു ജില്ലാ പ്രസിഡന്റ് എസ്.ഹരിദാസ് ഉത്ഘാടനം ചെയ്ത് ആരംഭിച്ച ജാഥ, സീതത്തോട്, ചിറ്റാര്, തണ്ണിത്തോട്, അതുമ്പുംകുളം, പുതുക്കുളം, മൈലപ്ര, മലയാലപ്പുഴ, കോന്നി, പൂങ്കാവ്, വള്ളിക്കോട്, കൊല്ലന്പടി, കൂടല്, കലഞ്ഞൂര്, മങ്ങാട് എന്നിവിടങ്ങളില് പര്യടനം നടത്തി മങ്ങാട് സമാപിച്ചു.
സമാപന സമ്മേളനം സി.പി.എം ജില്ലാ കമ്മറ്റി അംഗം തുളസീധരന് പിള്ള ഉത്ഘാടനം ചെയ്തു. ജാഥാ മാനേജര് എം.എസ് ഗോപിനാഥന്, സി.പി.പി കോന്നി മണ്ഡലം സെക്രട്ടറി എ.ദീപകുമാര്, ജാഥാ അംഗങ്ങളായ എ.കെ ദേവരാജന്, രാജേഷ് കലഞ്ഞൂര്, സുഭാഷ് സീതത്തോട്, ആര്.മോഹനന് നായര്, ചെറിയാന് കോശി തുടങ്ങിയവര് വിവിധ ഇടങ്ങളില് നല്കിയ സ്വീകരണ യോഗത്തില് സംസാരിച്ചു.
