ഇലവുംതിട്ട: വിദേശത്ത് നഴ്സിംഗ് ജോലി വാഗ്ദാനം നല്കി ലക്ഷങ്ങൾ തട്ടിപ്പ് നടത്തിയ കേസിലെ മുഖ്യപ്രതി അറസ്റ്റിൽ. അടൂർ കണ്ണങ്കോട് കടുവുങ്കൽ ഹൗസിംഗ് പ്ലോട്ടിലെ ഗ്രേസ് വില്ലയിൽ സജി ജോണിന്റെ മകൻ ഷിനോ സജി ജോൺ (28) ആണ് ഇലവുംതിട്ട പോലീസ് പിടിയിലായത്.
മാത്തൂർ സ്വദേശി രജനി ഉൾപ്പടെ മൂന്ന് യുവതികളെ ക്രൊയേഷ്യയിൽ നഴ്സിംഗ് ജോലി വാങ്ങി നല്കാമെന്ന് വിശ്വസിപ്പിച്ച് ഏഴുലക്ഷം രൂപ തട്ടിയെടുത്ത കേസിലാണ് അറസ്റ്റ്. ജില്ലാ പോലീസ് മേധാവി കെ.ജി.സൈമണിന്റെ നിർദ്ദേശപ്രകാരം ഇലവുംതിട്ട എസ്.എച്ച്.ഓ ടി.കെ.വിനോദ് കൃഷ്ണൻ, എസ് ഐമാരായ ഗോപൻ ജി, അശോക് കുമാർ, എ എസ് ഐ മാത്യു കെ ജോർജ്ജ് , സി.പി.ഒ മാരായ എസ് ശ്രീജിത്ത്, അജിത് എസ് പി, ഷാലു എസ്, രമ്യത്ത് രാജൻ എന്നിവർ ചേർന്നാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ തിരുവനന്തപുരം സ്പെഷ്യൽ ജയിലിലേക്ക് റിമാന്റ് ചെയ്തു.
