കോതമംഗലം : കോതമംഗലം താലൂക്കിലെ കോട്ടപ്പടി പഞ്ചായത്തിലെ വാവേലി എന്ന സ്ഥലത്ത് കാട്ടാനയുടെ ആക്രമണത്തിനിരയായ ടാപ്പിങ്ങ് തൊഴിലാളിയ്ക്ക് അടിയന്തിരമായി ചികിത്സ ധനസഹായം ലഭ്യമാക്കണമെന്ന് ജോസ് കെ മാണി എംപി ആവശ്യപ്പെട്ടു. മലയാറ്റൂര് ഡി.എഫ്.ഒയെയും എറണാകുളം ജില്ലാ കളക്ടറെയും ഫോണില് ബന്ധപ്പെട്ട് അടിയന്തിര നടപടി സ്വീകരിക്കുവാനും ചികിത്സയ്ക്ക് വേണ്ട ധനസഹായം ഉടന് ലഭ്യമാക്കുവാനും എംപി ആവശ്യപ്പെട്ടു. യൂത്ത് ഫ്രണ്ട് സംസ്ഥാന അദ്ധ്യക്ഷന് അഡ്വ.റോണി മാത്യുവുമായിട്ടുള്ള കൂടിക്കാഴ്ച്ചയ്ക്ക് ശേഷമാണ് എം.പി ബന്ധപ്പെട്ട ഉദ്യോഗസ്ഥരെ വിളിച്ച് ഉടനടി നടപടി സ്വീകരിക്കണമെന്ന് ആവശ്യപ്പെട്ടത്.
അഡ്വ.റോണി മാത്യുവിന്്റെ നേതൃത്വത്തില് നടത്തിയ കാര്ഷക കൂടിക്കാഴ്ച്ചയുമായി ബന്ധപ്പെട്ട് കോട്ടപ്പടി പഞ്ചായത്തിലെ വാവേലി ഉള്പ്പടെയുളള വിവിധ മേഖലകള് സന്ദര്ശിച്ചിരുന്നുവെന്നും ജനജീവിതം ഓരോ ദിവസവും പിന്നിടുന്തോറും വന്യജീവി ശല്ല്യം കൊണ്ട് ദുസ്സഹമാകുന്ന സാഹചര്യമാണ് നിലവിലുള്ളത്. ഇതിന് ശാശ്വതമായ പരിഹാര മാര്ഗ്ഗങ്ങള് സ്വീകരിക്കുന്നതിനു വേണ്ടിയുള്ള പരിശ്രമത്തിലാണ് കേരള കോണ്ഗ്രസ് (എം) എന്നും പാര്ട്ടി ചെയര്മാന് കൂടിയായ ജോസ് കെ മാണി എംപി പ്രതികരിച്ചു.
