പനവേല് (മഹാരാഷ്ട്ര): ഈ ഫോട്ടോയിൽ കാണുന്ന ജോസഫ് (70) ഇപ്പോള് നവി മുംബൈയിലുള്ള ഖാർഘറിൽ ഉണ്ട്. കൃത്യമായ വിവരങ്ങള് ഒന്നും പറയുവാന് ഓര്മ്മ കിട്ടുന്നില്ല. കയ്യിലുണ്ടായിരുന്ന ബാഗും തുണികളും രേഖകളും ഒക്കെ നഷ്ടമായിട്ടുണ്ട്. പേര് ജോസഫ് എന്ന് പറയുന്നുണ്ട്. വീട്ടുപേര് കാനായിക്കോണില് എന്നും സ്വദേശം തിരുവല്ലയിലെ തിരുമൂലപുരം എന്നും പറയുന്നു. എന്നാല് തിരുവല്ല പോലീസുമായി ബന്ധപ്പെട്ടപ്പോള് ഇങ്ങനെ ഒരാളെ അറിവില്ലെന്ന മറുപടിയും ലഭിച്ചിട്ടുണ്ട്. ഭാര്യയുടെ പേര് മറിയ എന്നാണെന്നും കാവാലത്ത് പുത്തന്പുരക്കല് എന്നാണ് വീട്ടുപേരെന്നും പറയുന്നു. ഭാര്യയും മകനും മരിച്ചുപോയെന്നാണ് പറഞ്ഞത്.
ഇദ്ദേഹം കുറച്ചു ദിവസങ്ങളായി നവി മുംബൈയിലുള്ള ഖാർഘറിൽ അലയുന്നത് ശ്രദ്ദയിൽപ്പെട്ട മലയാളികള് ഖാർഘര് മലയാളി സമാജം സെക്രട്ടറി തൃശൂര് സ്വദേശി എം.വി.രാമകൃഷ്ണനെ വിവരം അറിയിച്ചിരുന്നു. ഇതനുസരിച്ച് ഇദ്ദേഹത്തെ സുരക്ഷിതമായി താമസിപ്പിച്ചിരിക്കുകയാണ്.
ഇദ്ദേഹത്തെപ്പറ്റി കൂടുതല് വിവരങ്ങള് അറിയാവുന്നവര് ഖാർഘര് മലയാളി സമാജം സെക്രട്ടറി എം.വി.രാമകൃഷ്ണനെ എത്രയുംവേഗം ബന്ധപ്പെടുക. ഫോണ് – 98333 67567
