കൊരട്ടല ശിവയുടെ ജൂനിയര് എന്.ടി.ആര്. ചിത്രം ദേവരയുടെ റിലീസ് ഡേറ്റ് പുറത്ത്. മാസ് ലുക്കില് താരക് എന്ന ജൂനിയര് എന്.ടി.ആര് പ്രത്യക്ഷപ്പെടുന്ന പോസ്റ്ററിലൂടെയാണ് റിലീസ് തീയതി അണിയറ പ്രവര്ത്തകര് പുറത്തുവിട്ടത്. രണ്ടു ഭാഗങ്ങളായി ഒരുങ്ങുന്ന ചിത്രത്തിന്റെ ഒന്നാം ഭാഗം 2024 ഒക്ടോബര് 10-ന് റിലീസാവും. ചിത്രത്തിന്റെ നേരത്തെ പുറത്തിറങ്ങിയ പോസ്റ്ററുകളും ഗ്ലിംപ്സ് വീഡിയോയും ഏറെ ശ്രദ്ധിക്കപ്പെട്ടിരുന്നു. എന്ടിആര് ആര്ട്സും യുവസുധ ആര്ട്സും ചേര്ന്ന് നിര്മ്മിച്ചിരിക്കുന്ന ചിത്രത്തില് വിഎഫ്എക്സ് ഭാഗങ്ങളും മികച്ചു നില്ക്കുന്നുണ്ട് എന്നാണു സൂചന. കൊരട്ടല ശിവയും എന്ടിആറും ജനതാ ഗാരേജിന് ശേഷം ഒരുമിക്കുന്ന ചിത്രത്തില് ബോളിവുഡ് താരമായ ജാന്വി കപൂറാണ് നായിക. മറ്റൊരു ബോളിവുഡ് താരമായ സെയ്ഫ് അലി ഖാനും ചിത്രത്തില് പ്രധാന വേഷത്തില് എത്തുന്നുണ്ട്.
ജാന്വി കപൂറിന്റെ ആദ്യ തെലുങ്ക് ചിത്രം കൂടിയാണ് ദേവര. യുവസുധ ആര്ട്ട്സും എന്ടിആര് ആര്ട്സും ചേര്ന്ന് നിര്മിക്കുന്ന ചിത്രം നന്ദമുരി കല്യാണ് റാം ആണ് അവതരിപ്പിക്കുന്നത്. പ്രകാശ് രാജ്, ശ്രീകാന്ത് മേക്ക, ഷൈന് ടോം ചാക്കോ, നരൈന് തുടങ്ങി ഒട്ടനവധി അഭിനേതാക്കള് ചിത്രത്തിന്റെ ഭാഗമാകുന്നുണ്ട്. ബിഗ് ബജറ്റില് ഒരുങ്ങുന്ന ചിത്രം തെലുങ്ക്, തമിഴ്, കന്നഡ, ഹിന്ദി, മലയാളം ഭാഷകളിലായി പുറത്തിറങ്ങുമെന്ന് നിര്മ്മാതാക്കള് അറിയിച്ചിരുന്നു. സംഗീത സംവിധാനം – അനിരുദ്ധ്, ഛായാഗ്രഹണം – രത്നവേലു ഐ.എസ്.സി, പ്രൊഡക്ഷന് ഡിസൈനര് – സാബു സിറിള്, എഡിറ്റര് – ശ്രീകര് പ്രസാദ്.