തിരുവനന്തപുരം : കേരള സര്‍ക്കാരിന്റെ ഡല്‍ഹിയിലെ പ്രത്യേക പ്രതിനിധി എ. സമ്പത്തിനെതിരെ വിമര്‍ശനവുമായി കെ. മുരളീധരന്‍ എംപി രംഗത്ത്. കൊവിഡ് വ്യാപന പശ്ചാത്തലത്തില്‍ ലോക്ഡൗണ്‍ വരുമെന്ന് അറിഞ്ഞപ്പോള്‍ തന്നെ സമ്പത്ത് ഡല്‍ഹിയില്‍ നിന്ന് മുങ്ങിയെന്ന് കെ. മുരളീധരന്‍ വ്യക്തമാക്കി. ഡല്‍ഹിയില്‍ കേരള ഹൗസിലേക്ക് സഹായ അഭ്യര്‍ത്ഥനയുമായി നിരവധി പേര്‍ എത്തുന്നുണ്ട്. എന്നാല്‍ അവരുടെ പ്രശ്നങ്ങള്‍ പരിഹരിക്കാന്‍ അവിടെ ആരുമില്ലെന്നും അദ്ദേഹം വിമര്‍ശിച്ചു.
മുഖ്യമന്ത്രിയുടെ അഞ്ചുമണി റിയാലിറ്റി ഷോയില്‍ നടക്കുന്നത് വിടുവായത്തം മാത്രമാണ്. കുടിയന്‍മാരുടെ കാര്യത്തില്‍ കാണിക്കുന്ന താല്‍പര്യമെങ്കിലും കര്‍ഷകരോടും മത്സ്യത്തൊഴിലാളികളോടും കാണിക്കണമെന്നും കെ. മുരളീധരന്‍ ആവശ്യപ്പെട്ടു. കഴിഞ്ഞ ഓഗസ്റ്റിലാണ് സംസ്ഥാന സര്‍ക്കാരിന്റെ ഡല്‍ഹിയിലെ പ്രത്യേക പ്രതിനിധിയായി മുന്‍ എംപി എ. സമ്പത്ത് ചുമതലയേറ്റത്. കേരള ഹൗസ് കേന്ദ്രീകരിച്ചാണ് സമ്പത്തിന്റെ ഓഫീസിന്റെ പ്രവര്‍ത്തനം.
