തിരുവനന്തപുരം : കോണ്‍ഗ്രസ് ഓഫീസ് ആക്രമിച്ചാല്‍ പ്രത്യാക്രമണമുണ്ടാകുമെന്ന് കെ മുരളീധരന്‍ എംപി. പാര്‍ട്ടി ഓഫീസ് ആക്രമിച്ചാല്‍ സാധിക്കുന്ന വിധത്തില്‍ പ്രതിരോധിക്കാന്‍ പ്രവര്‍ത്തകരോട് പറഞ്ഞിട്ടുണ്ട്. ഇനി പോലീസില്‍ പരാതി നല്‍കി കാത്തിരിക്കില്ല. തല്ലാന്‍ വരുമ്പോള്‍ ഗാന്ധിസം പറഞ്ഞ് നടക്കാനൊന്നും പറ്റില്ല. സ്വര്‍ണക്കള്ളന്‍ സംസ്ഥാനം ഭരിക്കുമ്പോള്‍ ജയിലില്‍ കിടക്കാന്‍ കോണ്‍ഗ്രസ് നേതാക്കള്‍ക്കോ പ്രവര്‍ത്തകര്‍ക്കോ മടിയില്ലെന്നും കെ.മുരളീധരന്‍ ചൂണ്ടിക്കാട്ടി. നാട്ടില്‍ സമാധാനം ഉണ്ടാക്കേണ്ട ഉത്തരവാദിത്തം പ്രതിപക്ഷത്തിനില്ലെന്നും കെ.മുരളീധരന്‍ വ്യക്തമാക്കി.
