കൊച്ചി : കെ – റെയില്‍ പദ്ധതിയുമായി ബന്ധപ്പെട്ട വിവിധ ഹര്‍ജികള്‍ ഇന്ന് വീണ്ടും ഹൈക്കോടതിയുടെ പരിഗണനയില്‍. സാമൂഹികാഘാത പഠനത്തിന്റെ പേരില്‍ കെ – റെയില്‍ എന്നെഴുതിയ വലിയ കല്ലുകള്‍ ഇടുന്നതിനെ കഴിഞ്ഞ തവണയും ഹൈക്കോടതി വിമര്‍ശിച്ചിരുന്നു. കല്ലിടലിന്റെ പേരില്‍ അനിഷ്ട സംഭവങ്ങള്‍ ഉണ്ടായതും കോടതി അന്ന് ചോദ്യം ചെയ്തു. എന്നാല്‍, സാമൂഹികാഘാത പഠനവുമായി മുന്നോട്ടു പോകുന്നതില്‍ തടസ്സമില്ലെന്നാണ് കോടതി ഇതുവരെ സ്വീകരിച്ചിട്ടുള്ള നിലപാട്.
